દક્ષિણ આફ્રિકાના યુવા બેટ્સમેન જાર્ડન હરમન માટે, તેની પહેલી વનડે મેચ યાદગાર બની. ૨૪ વર્ષીય ડાબા હાથના બેટ્સમેને નામિબિયા સામેની પહેલી વનડેમાં શાનદાર ૧૫૦ રન ફટકાર્યા, જેનાથી ડેબ્યૂમાં સૌથી વધુ વનડે સ્કોરના વિશ્વ રેકોર્ડની બરાબરી થઈ. જાકે, તે ફક્ત એક રનથી આ રેકોર્ડ ચૂકી ગયો. ૯ સપ્ટેમ્બરના રોજ, વિન્ડહોકના નામિબિયા ક્રિકેટ ગ્રાઉન્ડ ખાતે, હરમન નામિબિયા સામે દક્ષિણ આફ્રિકાની ઇનિંગની શરૂઆત કરી. તેણે પોતાની પહેલીડ્ઢૈં મેચમાં ૯૩ બોલનો સામનો કરીને સદી ફટકારી.હરમનનું બેટ સદી ફટકાર્યા પછી પણ અટક્્યું નહીં. આગામી ૩૩ બોલમાં ૫૦ રન ઉમેરીને હરમન ૧૫૦ રન સુધી પહોંચી ગયો. આ શાનદાર ઇનિંગે તેને વનડે ડેબ્યૂમાં સૌથી વધુ રન બનાવનારા બેટ્સમેનોની યાદીમાં સંયુક્ત ટોચ પર પહોંચાડ્યો. અગાઉ, આ રેકોર્ડ દક્ષિણ આફ્રિકાના મેથ્યુ બ્રીટ્ઝકેના નામે હતો. બ્રીટ્ઝકેએ ૧૦ ફેબ્રુઆરી, ૨૦૨૫ના રોજ લાહોરમાં ન્યૂઝીલેન્ડ સામેના પોતાના વનડે ડેબ્યૂમાં ૧૪૮ બોલમાં ૧૫૦ રન બનાવ્યા હતા. રસપ્રદ વાત એ છે કે, બંને બેટ્સમેનોએ ઓપનિંગ બેટ્સમેન તરીકે આ સિદ્ધિ મેળવી હતી. હરમન પાસે હવે બ્રીત્ઝકેના રેકોર્ડને તોડીને નવો વિશ્વ રેકોર્ડ બનાવવાની તક હતી, પરંતુ તે ૧૫૦ રન બનાવીને આઉટ થઈ ગયો.જાર્ડન હરમન અને મેથ્યુ બ્રીત્ઝકે ૧૫૦-૧૫૦ રન સાથે સંયુક્ત રીતે યાદીમાં ટોચ પર છે. ત્યારબાદ વેસ્ટ ઈÂન્ડઝના દિગ્ગજ ડેસમંડ હેન્સ છે, જેમણે પોતાના ડેબ્યૂમાં ૧૪૮ રન બનાવ્યા હતા. અફઘાનિસ્તાનના રહેમાનુલ્લાહ ગુરબાઝે ૨૦૨૧માં આયર્લેન્ડ સામે ડેબ્યૂમાં ૧૨૭ રન બનાવ્યા હતા. માર્ક ચેપમેને યુએઈ સામે અણનમ ૧૨૪ અને કોલિન ઇન્ગ્રામે ઝિમ્બાબ્વે સામે ૧૨૪ રન બનાવ્યા હતા.
વનડે ડેબ્યૂમાં સૌથી વધુ રન બનાવનારા બેટ્સમેન
૧૫૦ – જાર્ડન હાર્મન વિરુદ્ધ નામિબિયા, ૨૦૨૬
૧૫૦ – મેથ્યુ બ્રીટ્ઝકે વિરુદ્ધ ન્યૂઝીલેન્ડ, ૨૦૨૫
૧૪૮ – ડેસમંડ હેન્સ વિરુદ્ધ ઓસ્ટ્રેલિયા, ૧૯૭૮
૧૨૭ – રહેમાનુલ્લાહ ગુરબાઝ વિરુદ્ધ આયર્લેન્ડ, ૨૦૨૧
૧૨૪* – માર્ક ચેપમેન વિરુદ્ધ યુએઈ, ૨૦૧૫
૧૨૪ – કોલિન ઇન્ગ્રામ વિરુદ્ધ ઝિમ્બાબ્વે, ૨૦૧૦
હારમેને ૧૫૦ રન બનાવ્યા, જ્યારે ટોની ડી જાર્ઝીએ ૮૪ બોલમાં ૭૨ રન બનાવ્યા. આમ, દક્ષિણ આફ્રિકાએ નિર્ધારિત ૫૦ ઓવરમાં ૬ વિકેટ ગુમાવીને ૩૪૮ રન બનાવ્યા. નામિબિયા માટે રૂબેન ટ્રમ્પેલમેને સૌથી વધુ ૪ વિકેટ લીધી.
