રાજુલા સ્થિત સંન્યાસ આશ્રમ ખાતે તાલુકા ફોટોગ્રાફર એન્ડ વિડિયોગ્રાફી એસોસિએશનની વાર્ષિક સામાન્ય સભા યોજાઈ હતી. આ બેઠકમાં સર્વાનુમતે સંસ્થાના નવા હોદ્દેદારોની બિનહરીફ વરણી કરવામાં આવી હતી. નવા માળખામાં પ્રમુખ તરીકે મનસુખભાઈ વાઘેલા અને ઉપપ્રમુખ તરીકે અશોકભાઈ શિયાળની પસંદગી થઈ છે. જ્યારે મહામંત્રી પદે દેવાયતભાઈ વાઘ, સંગઠન મંત્રી તરીકે પ્રવીણભાઈ સાખટ અને ખજાનચી તરીકે રફિકભાઈ નુરાણીની નિયુક્તિ કરાઈ છે. આ ઉપરાંત સંસ્થાના માર્ગદર્શન માટે સલાહકાર સમિતિમાં હરેશભાઈ તેરૈયા, કીર્તિભાઈ તલાટી અને વિપુલભાઈ લહેરી સમાવિષ્ટ થયા છે. બેઠકમાં હાજર રહેલા તમામ ફોટોગ્રાફરો તથા વિડિયોગ્રાફરોએ નવનિયુક્ત હોદ્દેદારોને ફૂલહાર પહેરાવી સન્માનિત કર્યા હતા અને સફળ કાર્યકાળ માટે શુભેચ્છાઓ પાઠવી હતી.બેઠકમાં હાજર રહેલા તમામ ફોટોગ્રાફરો અને વિડિયોગ્રાફરોએ નવનિયુક્ત હોદ્દેદારોનું ફૂલહાર પહેરાવી ઉત્સાહપૂર્વક સન્માન કર્યું હતું અને નવી જવાબદારીઓ માટે હાર્દિક શુભેચ્છાઓ પાઠવી હતી. સમગ્ર કાર્યક્રમ સૌહાર્દપૂર્ણ વાતાવરણમાં સંપન્ન થયો હતો.
