સાવરકુંડલા શહેરમાં રાહદારીઓ અને વાહનચાલકો માટે જોખમી બનેલા એક આખલાનું નગરપાલિકા અને ફાયર ફાઈટરની ટીમે સફળતાપૂર્વક રેસ્ક્યુ કર્યું હતું. આખલો લોકો અને વાહનો પર હુમલો કરી રહ્યો હોવાની જાણ થતાં જ ટીમ તાત્કાલિક ઘટનાસ્થળે પહોંચી હતી. સ્થાનિકોના સહયોગથી સાવચેતીપૂર્વક આખલાને કાબૂમાં લેવામાં આવ્યો હતો. સમગ્ર કામગીરી દરમિયાન લોકોની સુરક્ષાને પ્રથમ પ્રાથમિકતા આપવામાં આવી હતી, જેના કારણે કોઈ જાનહાનિ કે ઇજાની ઘટના બની નહોતી. નગરપાલિકાની સમયસરની કામગીરીથી સંભવિત મોટો અકસ્માત ટળી ગયો હતો.
