બોટાદ જિલ્લાના ગઢડા (સ્વામિના) ખાતે પરંપરાગત જળઝીલણી એકાદશીના પાવન પર્વની ભવ્ય ઉજવણી કરવામાં આવી હતી. સ્વામિનારાયણ સંપ્રદાયના મહત્વના તીર્થધામ ગઢડામાં ગોપીનાથજી મંદિરથી ઠાકોરજીની ભવ્ય જળયાત્રા નીકળી હતી. ઢોલ-નગારા, ધૂન મંડળીઓ અને સાધુ-સંતોની હાજરી વચ્ચે હજારો હરિભક્તો જળયાત્રામાં જાડાયા હતા. આ પ્રસંગે ઠાકોરજીને સોનાની પાલખીમાં બિરાજમાન કરાવી ઘેલો નદી સુધી લઈ જવામાં આવ્યા હતા. ત્યારબાદ ધાર્મિક વિધિ અને પૂજા-અર્ચના સાથે ઠાકોરજીને પવિત્ર ઘેલો નદીમાં નૌકાવિહાર કરાવવામાં આવ્યો હતો.
જળઝીલણી એકાદશીના દિવસે સવારે ગોપીનાથજી મંદિરના ગર્ભગૃહમાં ઠાકોરજીની વિશેષ પૂજા-અર્ચના કરવામાં આવી હતી. ત્યારબાદ ઠાકોરજીને સોનાની પાલખીમાં બિરાજમાન કરાવવામાં આવ્યા. ઢોલ-નગારા અને ધૂન મંડળીઓના નાદ સાથે સાધુ-સંતો તથા મોટી સંખ્યામાં હરિભક્તોની હાજરીમાં જળયાત્રા મંદિરથી નીકળી હતી. યાત્રા દરમિયાન ભક્તોમાં વિશેષ ઉત્સાહ જાવા મળ્યો હતો.
જળયાત્રા ઘેલો નદીના કાંઠે પહોંચ્યા બાદ ધાર્મિક વિધિ મુજબ ઠાકોરજીનું પૂજન અને આરતી કરવામાં આવી હતી. ગોપીનાથજી મંદિરના ચેરમેન હરિજીવનદાસ સ્વામી સહિતના સંતોએ ધાર્મિક વિધિમાં ભાગ લીધો હતો. ત્યારબાદ ઠાકોરજીને ઘેલો નદીમાં નૌકાવિહાર કરાવવામાં આવ્યો હતો. આ પવિત્ર પ્રસંગના દર્શન કરવા નદીના કાંઠે મોટી સંખ્યામાં ભક્તો ઉમટી પડ્યા હતા.
ગઢડા સ્વામિનારાયણ સંપ્રદાય માટે વિશેષ ધાર્મિક મહત્વ ધરાવે છે. પરંપરા અનુસાર, સ્વામિનારાયણ ભગવાને જળઝીલણી એકાદશીના દિવસે ઘેલો નદીમાં ઠાકોરજીને જળ ઝીલાવ્યા હતા. ત્યારથી ગઢડામાં જળઝીલણી ઉત્સવની આ પરંપરા સતત ચાલી આવી હોવાનું મંદિર સાથે જાડાયેલા લોકો જણાવે છે. આ વર્ષે પણ પરંપરાગત રીતે સોનાની પાલખીમાં ઠાકોરજીની જળયાત્રા યોજાઈ હતી. ગઢડા સહજાનંદ સ્વામીની કર્મભૂમિ તરીકે પણ ઓળખાય છે. સ્વામિનારાયણ ભગવાને અહીં લાંબો સમય વિતાવ્યો હતો અને સંપ્રદાયના મહત્વના ગ્રંથ ‘શિક્ષાપત્રી’ની રચના પણ ગઢડામાં થઈ હોવાનું ધાર્મિક પરંપરામાં માનવામાં આવે છે.
જળઝીલણી એકાદશીના પર્વને લઈને ગઢડામાં બે દિવસનો લોકમેળો પણ યોજાયો હતો. ઉત્સવમાં આસપાસના વિસ્તારો ઉપરાંત દૂર-દૂરથી પણ મોટી સંખ્યામાં શ્રદ્ધાળુઓ અને મુલાકાતીઓ પહોંચ્યા હતા. ધાર્મિક કાર્યક્રમોની સાથે લોકમેળાના કારણે ગઢડામાં ઉત્સવનો માહોલ જાવા મળ્યો હતો. ઘેલો નદીના કાંઠે ઠાકોરજીના દર્શન કરવા માટે ભક્તોની ભારે ભીડ જાવા મળી હતી.
ગઢડામાં જળઝીલણી એકાદશીના પર્વ દરમિયાન મંદિરથી ઘેલો નદી સુધી નીકળેલી જળયાત્રા અને નદીમાં ઠાકોરજીના નૌકાવિહારના દર્શન કરવા હજારો ભક્તો ઉમટી પડ્યા હતા. ઢોલ-નગારા, ભજન-કીર્તન અને ધાર્મિક જયઘોષથી સમગ્ર વિસ્તાર ભક્તિમય બની ગયો હતો. ૨૨૨ વર્ષથી ચાલી આવતી પરંપરાને જાળવી રાખીને ગઢડામાં આ વર્ષે પણ જળઝીલણી ઉત્સવની ધામધૂમથી ઉજવણી કરવામાં આવી હતી.
