જો અમેરિકા તેના લશ્કરી દબાણને ઓછું કરવાનું શરૂ કરે છે, તો ઈરાન સાત દિવસમાં હોર્મુઝ સ્ટ્રેટ ફરીથી ખોલવાનો પ્રસ્તાવ મૂકી શકે છે. મધ્યસ્થીઓ દ્વારા વોશિંગ્ટનને આપવામાં આવેલા આ પ્રસ્તાવમાં કાયમી ધોરણે દુશ્મનાવટનો અંત લાવવા માટે નવી વાટાઘાટો કરવાની માંગ કરવામાં આવી છે. તેહરાન યુએન જનરલ એસેમ્બલી દરમિયાન મધ્યસ્થી દેશો સાથે વાટાઘાટો કરવાની યોજના ધરાવે છે, જોકે અધિકારીએ રાષ્ટ્રપતિ મસૂદ પેઝેશ્કીયાન અને ડોનાલ્ડ ટ્રમ્પ વચ્ચેની કોઈપણ મુલાકાતને નકારી કાઢી હતી.
અધિકારીએ જણાવ્યું હતું કે આ પ્રસ્તાવને સુપ્રીમ લીડર મોજતબા ખામેની અને સુપ્રીમ નેશનલ સિક્્યુરિટી કાઉન્સીલ દ્વારા મંજૂરી આપવામાં આવી છે. ઈરાન હોર્મુઝ સ્ટ્રેટમાં તેના બંદરોની નાકાબંધી અને યુએસ લશ્કરી કાર્યવાહીનો અંત લાવવાની માંગ કરી રહ્યું છે. ક્્યોડો ન્યૂઝે મંગળવારે એક વરિષ્ઠ ઈરાની સરકારી અધિકારીને ટાંકીને આ અહેવાલ આપ્યો.
અહેવાલો અનુસાર, મધ્યસ્થી દ્વારા વોશિંગ્ટનને આ પ્રસ્તાવ પહોંચાડવામાં આવ્યો છે. તેહરાન ન્યૂ યોર્કમાં યુએન જનરલ એસેમ્બલી દરમિયાન મધ્યસ્થી દેશો સાથે પહેલ પર ચર્ચા કરવાની યોજના ધરાવે છે. એક ઈરાની અધિકારીએ રાષ્ટ્રપતિ મસૂદ પેઝેશકીયાન અને યુએસ રાષ્ટ્રપતિ ડોનાલ્ડ ટ્રમ્પ વચ્ચે બેઠકની શક્યતાને નકારી કાઢી હતી, પરંતુ કહ્યું હતું કે કરાર તરફ પ્રગતિની સંભાવના છે, જો કે અમેરિકા ગંભીરતા અને પ્રતિબદ્ધતા દર્શાવે છે.
યુએસ અને ઈરાન વચ્ચે ચાલી રહેલા સંઘર્ષની અસર ઉર્જા બજાર અને વૈÂશ્વક શિપિંગ પર પડી છે, ખાસ કરીને આ વ્યૂહાત્મક રીતે મહત્વપૂર્ણ દરિયાઈ માર્ગ પર. ઈરાન પણ ઇચ્છે છે કે અમેરિકા આ મહત્વપૂર્ણ દરિયાઈ માર્ગ પર તેની લશ્કરી પ્રવૃત્તિઓ બંધ કરે. બદલામાં, તેહરાન કહે છે કે તે સ્ટ્રેટ ફરીથી ખોલશે અને વાટાઘાટો ફરી શરૂ કરશે. આ પ્રસ્તાવ એવા સમયે આવ્યો છે જ્યારે ઈરાની બંદરો પરના પ્રતિબંધોએ હોર્મુઝ દ્વારા ક્રૂડ ઓઇલ નિકાસ અને દરિયાઈ ટ્રાફિકને અસર કરી છે. તેહરાને અગાઉ વાટાઘાટો ફરી શરૂ કરવા માટે સાત શરતો મૂકી હતી, જેમાં બંદરો પરનો નાકાબંધી હટાવવી અને ઈરાનની સ્થિર સંપત્તિ પુનઃસ્થાપિત કરવાનો સમાવેશ થાય છે.
