અમદાવાદ શહેરમાં ઓનલાઇન છેતરપિંડીના બનાવોમાં ચિંતાજનક વધારો થઈ રહ્યો છે. સોશિયલ મીડિયા પર સસ્તી અને આકર્ષક જાહેરાતો મૂકીને ગઠિયાઓ હવે ભણેલા-ગણેલા લોકોને પણ શિકાર બનાવી રહ્યા છે. તાજેતરમાં ઇન્સ્ટાગ્રામ પરથી કપડાં અને કોસ્મેટિક પ્રોડક્ટ્સનો ઓર્ડર આપવા જતાં એક યુવક અને યુવતીએ કુલ ૫૮,૦૦૦ રૂપિયાથી વધુની રકમ ગુમાવવાનો વારો આવ્યો છે. આ અંગે વાસણા અને દાણીલીમડા પોલીસ સ્ટેશનમાં ગુના નોંધાયા છે.
વાસણા વિસ્તારમાં સોલાર પેનલનો બિઝનેસ કરતા ૨૪ વર્ષીય જૈનિશકુમાર જાષી ઇન્સ્ટાગ્રામ પર રીલ્સ જાઈ રહ્યા હતા, તે દરમિયાન એક કોસ્મેટિક જાહેરાતની લિંક પર ક્લિક કરતા ટેલિગ્રામ ચેનલ ઓપન થઈ હતી. ગઠિયાઓએ શરૂઆતમાં રજીસ્ટ્રેશનના નામે માત્ર ૧૯૯ રૂપિયા માંગ્યા હતા અને ત્યારબાદ પ્રોડક્ટ ઓર્ડર તથા મેમ્બરશીપના બહાને ૧,૫૦૦ અને ૮,૭૭૭ રૂપિયા પડાવ્યા હતા. યુવકે જ્યારે બેંક સ્ટેટમેન્ટ ચેક કર્યું ત્યારે તેને જાણવા મળ્યું કે તેની જાણ બહાર પણ ૭,૦૦૦ અને ૮,૭૭૭ રૂપિયાના ટ્રાન્ઝેક્શન થઈ ગયા હતા, આમ ટુકડે-ટુકડે કુલ ૩૫,૦૩૦ રૂપિયાની છેતરપિંડી આચરી હતી.
દાણીલીમડામાં રહેતી અને ખાનગી કંપનીમાં નોકરી કરતી ૨૭ વર્ષીય યુવતીને એચ એન્ડ એમ મહિલા વસ્ત્રો નામની નકલી પ્રોફાઇલ નડી હતી, જેમાં તેણે માત્ર ૧૦૦૦ રૂપિયાના કપડાંનો ઓર્ડર આપ્યો હતો. ઠગે ‘બિલિંગ પ્રોસેસ અટકી ગઈ છે’ અને જીએસટી રિફંડ મળશે’ તેમ કહી નકલી ઇન્વોઇસ મોકલીને તેનો વિશ્વાસ જીત્યો હતો અને ત્યારબાદ રિફંડ કાર્ડ રિન્યુ કરવાના નામે યુવતી પાસેથી કુલ ૨૩,૦૪૦ રૂપિયા પડાવી લીધા હતા. જ્યારે ગઠિયા દ્વારા વધુ ૧૧,૫૦૦ રૂપિયાની માંગણી કરવામાં આવી ત્યારે યુવતીને પોતે છેતરાઈ હોવાનો અહેસાસ થયો હતો.
સાયબર નિષ્ણાતોના મતે સોશિયલ મીડિયા પર દેખાતી દરેક જાહેરાત સાચી હોતી નથી, તેથી છેતરપિંડીથી બચવા માટે ઇન્સ્ટાગ્રામ કે ફેસબુક પર અજાણી લિંક પર ક્લિક કરી ટેલિગ્રામ પર ક્યારેય પેમેન્ટ કરવું જાઈએ નહીં. હંમેશા વેબસાઇટ ચેક કરવી અને બ્રાન્ડેડ કપડાં તેની ઓફિશિયલ વેબસાઇટ પરથી જ ખરીદવા જાઈએ, સાથે જ જે જાહેરાતમાં અસાધારણ વળતર કે વસ્તુ સસ્તી મળતી હોય તેવી લાલચથી દૂર રહેવું હિતાવહ છે. તેમ છતાં જા કોઈ છેતરપિંડી થાય તો વિલંબ કર્યા વગર તુરંત સાયબર હેલ્પલાઇન નંબર ૧૯૩૦ પર કોલ કરી ફરિયાદ નોંધાવવી જાઈએ.
