આઇસીસી મહિલા એશિયા કપ ૨૦૨૬ માં પાકિસ્તાનની મુશ્કેલીઓ ઓછી થવાના કોઈ સંકેત દેખાતા નથી. કેપ્ટન ફાતિમા સના પછી,આઇસીસીએ ટીમની વિકેટકીપર-બેટ્સમેન ગુલ ફિરોઝા સામે પણ કાર્યવાહી કરી છે. હોંગકોંગ સામેની ગ્રુપ છ મેચ દરમિયાન આઇસીસી આચારસંહિતાનું ઉલ્લંઘન કરવા બદલ ગુલને તેની મેચ ફીના ૧૦ ટકા દંડ ફટકારવામાં આવ્યો છે.આ ઘટના ૭ સપ્ટેમ્બરના રોજ દુબઈમાં રમાયેલી પાકિસ્તાન-હોંગકોંગ મેચ દરમિયાન પાકિસ્તાનની ઇનિંગની પાંચમી ઓવરમાં બની હતી. ગુલ ફિરોઝાને એલબીડબ્લ્યુ આઉટ આપવામાં આવ્યો હતો. તેણીએ નિર્ણય સાથે અસંમત થવા માટે તેના બેટ તરફ ઇશારો કર્યો હતો, જે દર્શાવે છે કે બોલ તેને વાગ્યો હતો.
આઇસીસીએ ગુલને ખેલાડીઓ અને ખેલાડી સહાયક કર્મચારીઓ માટેની આચારસંહિતાની કલમ ૨.૮ ના ઉલ્લંઘનનો દોષી ઠેરવ્યો હતો, જે આંતરરાષ્ટÙીય મેચ દરમિયાન અમ્પાયરના નિર્ણય પર અસંમતિ દર્શાવવા સંબંધિત છે. દંડની સાથે, ગુલના શિસ્ત રેકોર્ડમાં એક ડિમેરિટ પોઈન્ટ પણ ઉમેરવામાં આવ્યો છે. છેલ્લા ૨૪ મહિનામાં આ તેનો બીજા ગુનો છે. આ સમયગાળા દરમિયાન તેના ડિમેરિટ પોઈન્ટનો કુલ સ્કોર હવે બે પર પહોંચી ગયો છે. અગાઉ, તેણીને ૨૩ જૂનના રોજ ઓસ્ટ્રેલિયા સામે આઇસીસી મહિલા ટી ૨૦ વર્લ્ડ કપ લીગ મેચમાં બીજા ઉલ્લંઘન માટે ડિમેરિટ પોઈન્ટ મળ્યો હતો.
ગુલ ફિરોઝાએ પોતાની ભૂલ સ્વીકારી અને અમીરાત આઇસીસી ઇન્ટરનેશનલ પેનલ ઓફ મેચ રેફરી દ્વારા પ્રસ્તાવિત દંડ સ્વીકાર્યો. તેથી, ઔપચારિક સુનાવણીની જરૂર નહોતી. મેદાન પરના અમ્પાયર રબાબ અહસાન અને રોકેયા સુલ્તાના, થર્ડ અમ્પાયર શિવાની મિશ્રા અને ફોર્થ અમ્પાયર શથિરા ઝાકીરે ગુલ સામે આરોપો લગાવ્યા હતા.આઈસીસી આચારસંહિતાના લેવલ ૧ ના ઉલ્લંઘનમાં સત્તાવાર ઠપકો આપવાથી લઈને ખેલાડીની મેચ ફીના ૫૦% સુધીનો દંડ થઈ શકે છે. આ ઉપરાંત, ખેલાડીના ખાતામાં એક કે બે ડિમેરિટ પોઈન્ટ પણ ઉમેરી શકાય છે. આ કેસમાં ગુલ ફિરોઝાને તેની મેચ ફીના ૧૦% અને એક ડિમેરિટ પોઈન્ટનો દંડ ફટકારવામાં આવ્યો છે.
