અમરેલી જિલ્લાના બાબરા તાલુકામાં એક ઐતિહાસિક રાજકીય પરિવર્તન નોંધાયું છે, જેમાં વલારડી તાલુકા પંચાયત બેઠક પર ભાજપના ઉમેદવાર કિરીટ બગડાએ શાનદાર વિજય મેળવ્યો છે. છેલ્લા ૧૮ વર્ષથી આ બેઠક કોંગ્રેસના મજબૂત ગઢ સમાન ગણાતી હતી, પરંતુ દલિત અગ્રણી સોમાભાઈ બગડા અને ભીખુભાઈ બગડાના સચોટ માર્ગદર્શન હેઠળ ભાજપે આ કિલ્લો સર કર્યો છે. આ જીત માત્ર પક્ષ માટે જ નહીં, પણ સમગ્ર દલિત સમાજ માટે ગૌરવની ક્ષણ સાબિત થઈ છે, જેના કારણે વિસ્તારમાં આનંદની લહેર ફરી વળી છે. વિજય બાદ ફટાકડા ફોડી અને ઢોલ-નગારાના તાલે ભવ્ય વિજયોત્સવ મનાવવામાં આવ્યો હતો. આ સફળતા બદલ સમગ્ર જિલ્લામાંથી કિરીટ બગડા પર અભિનંદનનો વરસાદ થઈ રહ્યો છે.
