ભારતીય શેરબજારમાં આજે ફરી એક મજબૂત તેજી જાવા મળી, જેના કારણે લીલા રંગમાં ટ્રેડિંગનો અંત આવ્યો. બુધવારે,બીએસઇ સેન્સેક્સ ૬૦૯.૪૫ પોઈન્ટ (૦.૭૯%) વધીને ૭૭,૪૯૬.૩૬ પર બંધ થયો.એનએસઇ નિફ્ટી ૫૦ ઇન્ડેક્સ પણ ૧૮૧.૯૫ પોઈન્ટ (૦.૭૬%) વધીને ૨૪,૧૭૭.૬૫ પર બંધ થયો. નોંધનીય છે કે આજે એક સમયે, સેન્સેક્સ ૧,૦૦૦ પોઈન્ટથી વધુ વધીને ૭૭,૯૮૨.૫૧ પર પહોંચ્યો હતો, જ્યારે નિફ્ટી ૫૦ પણ ઇન્ટ્રાડે ૨૪,૩૩૪.૭૦ ની ઉચ્ચતમ સપાટીએ પહોંચ્યો હતો. નોંધનીય છે કે આ અઠવાડિયાના પહેલા ત્રણ સત્રોમાંથી બેમાં બજાર વધારા સાથે બંધ થયું હતું, જ્યારે મંગળવારનું બજાર નુકસાન સાથે બંધ થયું હતું.
આજે, સેન્સેક્સના ૩૦ માંથી ૨૨ શેર વધારા સાથે લીલા રંગમાં બંધ થયા હતા, જ્યારે બાકીના આઠ નુકસાન સાથે લાલ રંગમાં બંધ થયા હતા. બીજી તરફ, નિફ્ટી ૫૦ માં, ૫૦ માંથી ફક્ત ૩૫ કંપનીઓ જ વધારા સાથે લીલા રંગમાં બંધ થઈ, જ્યારે બાકીની ૧૫ કંપનીઓ નુકસાન સાથે લાલ રંગમાં બંધ થઈ. સેન્સેક્સ કંપનીઓમાં,આઇટીસીના શેર આજે સૌથી વધુ ૩.૮૬ ટકાના વધારા સાથે બંધ થયા. જ્યારે, ઇન્ડિગોના શેર આજે સૌથી વધુ ૨.૩૬ ટકાના ઘટાડા સાથે બંધ થયા.
સેન્સેક્સના અન્ય શેરોમાં, ટેક મહિન્દ્રા ૩.૧૪ ટકા, મારુતિ સુઝુકી ૨.૮૨ ટકા, રિલાયન્સ ઇન્ડસ્ટ્રીઝ ૨.૬૮ ટકા, ભારતી એરટેલ ૨.૩૦ ટકા, મહિન્દ્રા એન્ડ મહિન્દ્રા ૨.૦૪ ટકા, સન ફાર્મા ૧.૭૯ ટકા,એલએન્ડટી ૧.૪૫ ટકા, અદાણી પોર્ટ્સ ૧.૪૦ ટકા, હિન્દુસ્તાન યુનિલિવર ૧.૩૦ ટકા, ઇન્ફોસિસ ૧.૨૯ ટકા,ટીસીએસ ૧.૧૭ ટકા, બજાજ ફાઇનાન્સ ૧.૦૦ ટકા, કોટક મહિન્દ્રા બેંક ૦.૯૯ ટકા, એક્સિસ બેંક ૦.૪૭ ટકા, ટાઇટન ૦.૪૪ ટકા, પાવર ગ્રીડ ૦.૪૪ ટકા, ટાટા સ્ટીલ ૦.૪૦ ટકા,બીઇએલ ૦.૩૯ ટકા,એચસીએલ ટેક ૦.૨૯ ટકા, અલ્ટ્રાટેક સિમેન્ટ ૦.૨૦ ટકા અને ઇટરનલ ૦.૧૦ ટકાના વધારા સાથે બંધ થયા.
આ ઉપરાંત, બુધવારે એનટીપીસીના શેર ૧.૩૩ ટકા, બજાજ ફિનસર્વ ૦.૮૫ ટકા,આઇસીઆઇસીઆઇ બેંક ૦.૮૩ ટકા, એશિયન પેઇન્ટ્સ ૦.૬૨ ટકા, ટ્રેન્ટ ૦.૬૨ ટકા,એચડીએફસી બેંક ૦.૪૫ ટકા અને એસબીઆઇ ૦.૪૧ ટકા ઘટ્યા હતા.
