બાબરા નગરપાલિકાની તાજેતરની ચૂંટણીમાં ભાજપે એકતરફી વિજય મેળવીને પોતાની પકડ મજબૂત કરી છે. કુલ ૨૪ ઉમેદવારો વચ્ચે ખેલાયેલા આ ત્રિપાંખિયા જંગમાં ભાજપે શાનદાર પ્રદર્શન કરતા ૨૨ બેઠકો પર કબજો જમાવ્યો છે, જ્યારે વિપક્ષ કોંગ્રેસના ફાળે માત્ર ૨ બેઠકો જ આવી છે.
જોકે, ભાજપની આ ભવ્ય જીતની સાથે એક મોટો આંચકો પણ સામે આવ્યો છે, જેમાં વર્તમાન પાલિકા પ્રમુખ પ્રવીણભાઈ કરકરના પત્નીનો અનપેક્ષિત પરાજય થતા સ્થાનિક રાજકારણમાં ગરમાવો જોવા મળ્યો છે.
બીજી તરફ, કોંગ્રેસ માટે બટુકભાઈ મુંધવાના પત્નીની જીત રાહતના સમાચાર સમાન રહી છે.
