મહારાષ્ટ્રના મંત્રી અને ભાજપ નેતા નિતેશ રાણે અંગે મોટા સમાચાર સામે આવ્યા છે. મહારાષ્ટ્રની એક કોર્ટે ૨૦૧૯ના એનએચએઆઇ એન્જિનિયર પર કાદવ ફેંકવાના કેસમાં નિતેશ રાણેને દોષિત ઠેરવ્યા છે અને તેમને એક મહિનાની જેલની સજા ફટકારી છે. જાકે, ચુકાદો આપ્યા પછી, મહારાષ્ટ્રની કોર્ટે ભાજપના મંત્રી રાણેની સજા સ્થગિત કરી દીધી અને તેમને હાઇકોર્ટમાં અપીલ કરવાની મંજૂરી આપી.
નિતેશ રાણે ઘણીવાર પોતાના વિવાદાસ્પદ નિવેદનોને કારણે સમાચારમાં રહે છે. તાજેતરમાં, તેમણે કહ્યું હતું કે, “આ દેવા ભાઉનું મહારાષ્ટ્ર છે, તે ઘૂસીને મારી નાખશે.” એક જાહેર સભાને સંબોધિત કરતી વખતે, તેમણે મદરેસાને આતંકવાદીઓની ફેક્ટરીઓ ગણાવી અને મુંબ્રા દેવીનું નામ બદલવાની પણ હાકલ કરી.
તેમણે કહ્યું કે મદરેસાઓ આતંકવાદીઓ ઉત્પન્ન કરે છે, ડોક્ટર કે એન્જિનિયર નહીં. સહર યુનિસ શેખના નિવેદનોનો ઉલ્લેખ કરતા તેમણે કહ્યું કે આવી વિચારધારા મદરેસાઓમાંથી આવે છે.
તેમણે કહ્યું હતું કે, “જે લોકો આજકાલ ભાષણોમાં બોલી રહ્યા છે, ઠીક છે, તેઓ આજના બાળકો છે. જા તેઓ જનપ્રતિનિધિ બનશે, તો તેઓ તેમને ત્યાં હરાવી દેશે (સેહર યુનિસ શેખના નિવેદન પર). કોઈ વાંધો નહીં, તેઓ એક જનપ્રતિનિધિ છે, તેથી હું તેના પર કંઈ નહીં કહું, પરંતુ તેમની વિચારધારા મહત્વપૂર્ણ છે. તેમને બાળપણથી જ મદરેસામાં શીખવવામાં આવે છે. તેમને મદરેસામાં બેસીને ડોક્ટર અને એન્જિનિયર બનાવવામાં આવતા નથી, ત્યાં આતંકવાદીઓ તૈયાર કરવામાં આવે છે. તે પછી, તેમના મોંમાંથી આવા શબ્દો નીકળે છે. આ બધા મદરેસાઓ બંધ કરી દેવા જાઈએ અને આ બધા આતંકવાદીઓને બહાર ફેંકી દેવા જાઈએ. તમે થોડી રાહ જુઓ. અમે ધર્માંતરણ કાયદો લાવ્યા છીએ, હવે આગળનો વારો મદરેસાઓનો છે.” તેમણે કહ્યું હતું કે, “ચિંતા ના કરો, અમે ઇસ્લામપુરને ઈશ્વરપુર બનાવ્યું, અમે મુંબ્રા દેવી પણ બનાવીશું. હું તમને બધાને વચન આપીને જઈ રહ્યો છું, કોઈ જીતુદ્દીન (જિતેન્દ્ર આવ્હાડ) કંઈ કરી શકશે નહીં. હું આવા લોકોને નાસ્તામાં ખાઉં છું. મેં તેમને મીટિંગમાં જાયા, મારે માફી માંગવી પડી, એ સારું છે કે હું તેમને મીટિંગમાં મળ્યો અને એ સારું છે કે હું મંત્રી છું. નહીંતર હું ઘરે પાછો જઈ શક્્યો ન હોત.”
