ગુજરાતભરમાં તીવ્ર ઠંડીનો અનુભવ થઈ રહ્યો છે,પવનની ગતિમાં વધારો થયો છે. અમદાવાદમાં ૧૪.૧ ડિગ્રી સેલ્સિયસ, ગાંધીનગરમાં ૧૩.૨ ડિગ્રી, ડીસામાં ૧૩.૧ ડિગ્રી, મહેસાણામાં ૧૨.૧ ડિગ્રી, નલિયામાં ૭.૭ ડિગ્રી, રાજકોટમાં ૧૦.૭ ડિગ્રી, અમરેલીમાં ૧૨ ડિગ્રી, ભાવનગરમાં ૧૩.૬ ડિગ્રી, કંડલામાં ૧૦.૧ ડિગ્રી અને કેશોદમાં ૧૦.૧ ડિગ્રી તાપમાન નોંધાયું છે.
હવામાન વિભાગે ઉત્તર પ્રદેશ અને હરિયાણામાં ભારે વરસાદ, ઉત્તરાખંડ અને હિમાચલ પ્રદેશમાં વરસાદ, જમ્મુ-કાશ્મીર અને લદ્દાખમાં વરસાદ, તમિલનાડુ અને કેરળમાં ભારે વરસાદની આગાહી કરી છે. ૫૫ થી ૬૦ કિમી પ્રતિ કલાકની ઝડપે પવન ફૂંકાશે તેવી શક્યતા છે, અને ૨૬ જાન્યુઆરીએ હિમાચલ પ્રદેશ માટે ભારે વરસાદની ચેતવણી જારી કરવામાં આવી છે.
રાજસ્થાન, ઉત્તર પ્રદેશ અને દિલ્હીમાં મોડી રાતથી વરસાદ પડી રહ્યો છે. હિમાલયના રાજ્યોમાં પણ વરસાદ અને હિમવર્ષાનો બીજા સિલસિલો શરૂ થઈ ગયો છે. હિમાચલ પ્રદેશના શિમલા અને મનાલીમાં મોસમની પહેલી બરફવર્ષા થઈ છે. ઉત્તર પશ્ચિમ ભારત અને બિહારમાં આગામી પાંચ દિવસ સુધી સવારે ગાઢ ધુમ્મસ છવાઈ રહેવાની શક્્યતા છે. હવામાન વિભાગના જણાવ્યા અનુસાર, દિલ્હીના રહેવાસીઓને ઓછામાં ઓછા બે દિવસ સુધી ઠંડીથી રાહત મળશે નહીં.દેશના મેદાની વિસ્તારોના ઘણા ભાગોમાં લઘુત્તમ તાપમાન રેકોર્ડ બનાવી રહ્યું છે. મેદાની વિસ્તારોના ઘણા શહેરોમાં તાપમાન શૂન્ય ડિગ્રીસેલ્સિયસની નજીક પહોંચી રહ્યું છે.
હવામાન નિષ્ણાતોના મતે, ડિસેમ્બરમાં ઉત્તર ભારતથી આવતા સૂકા અને ઠંડા પવનો ગુજરાતમાં ઠંડી લાવે છે. જા કે, આ વખતે હિમાલયમાં કોઈ મજબૂત પશ્ચિમી વિક્ષેપ આવ્યો નથી. જ્યારે પર્વતોમાં ભારે બરફવર્ષા થાય છે, ત્યારે ત્યાંથી આવતા ઠંડા પવનો મેદાની વિસ્તારો અને ગુજરાતમાં ઠંડી લાવે છે. આ વર્ષે ઉત્તર ભારતમાં ઓછી બરફવર્ષાને કારણે, કોઈ શીત લહેર આવી નથી. હવામાન નિષ્ણાતોના મતે, અલ નીનો ઘટના, જેમાં પેસિફિક મહાસાગરમાં સમુદ્ર સપાટીના તાપમાનમાં વધારો થાય છે, તેના પરિણામે વિશ્વભરમાં શિયાળો ગરમ થયો છે.
અરબી સમુદ્રમાંથી ગરમ અને ભેજવાળા પવનોના પ્રવાહે લઘુત્તમ તાપમાનને વધુ ઘટતા અટકાવ્યું છે. છેલ્લા કેટલાક વર્ષોમાં, ગુજરાતમાં ત્રણેય ઋતુઓમાં નોંધપાત્ર ફેરફારો થયા છે. રાજ્યમાં સામાન્ય રીતે ડિસેમ્બરમાં કડકડતી ઠંડીનો અનુભવ થાય છે. જાકે, ગયા વર્ષની સરખામણીમાં, આ વર્ષે ઠંડી ઘણી ઓછી રહી છે. શિયાળાની મધ્યમાં ઠંડા દિવસો કરતાં વધુ ગરમ અને ભેજવાળા દિવસો રહ્યા છે. ડિસેમ્બર ૨૦૨૪ અને ડિસેમ્બર ૨૦૨૫ના ઠંડા હવામાન પર નજર કરીએ તો, ગયા વર્ષે કચ્છના નલિયામાં ડિસેમ્બરના ૩૧ માંથી ૨૨ દિવસમાં લઘુત્તમ તાપમાન ૧૦ ડિગ્રી સેલ્સિયસથી નીચે ગયું હતું, જ્યારે આ વર્ષે તે ફક્ત ૪ વખત ૧૦ ડિગ્રી સેલ્સિયસથી નીચે ગયું છે.
૨૮ ડિસેમ્બર, ૨૦૨૪ના રોજ, નલિયામાં લઘુત્તમ તાપમાન ૪.૨ ડિગ્રી સેલ્સિયસ સુધી ઘટી ગયું હતું. આ વર્ષે સૌથી ઓછું તાપમાન ૮.૮ ડિગ્રી સેલ્સિયસ નોંધાયું હતું. નોંધપાત્ર વાત એ છે કે, આ વર્ષે, નલિયા સિવાય, ગુજરાતના અન્ય કોઈ વિસ્તારમાં ડિસેમ્બરમાં લઘુત્તમ તાપમાન ૧૦ ડિગ્રી સેલ્સિયસથી નીચે નોંધાયું નથી. અમદાવાદ શહેરમાં, ડિસેમ્બર ૨૦૨૪ માં, ૩૧ માંથી ૧૪ દિવસ એવા હતા જ્યારે લઘુત્તમ તાપમાન ૧૪ ડિગ્રી સેલ્સિયસથી નીચે નોંધાયું હતું. આ વર્ષે, અમદાવાદમાં તાપમાન ફક્ત ૪ વખત ૧૪ ડિગ્રી સેલ્સિયસ થી નીચે ગયું છે. આ વર્ષે, અમદાવાદમાં સૌથી ઓછું તાપમાન ડિસેમ્બરમાં નોંધાયું હતું.
