ગુજરાતમાં આગામી ડિસેમ્બર ૨૦૨૬માં ૧૦ હજારથી વધુ ગ્રામ પંચાયતોની સામાન્ય ચૂંટણી યોજવાની તૈયારીઓ શરૂ થઈ ગઈ છે. રાજ્યભરમાં મોટી સંખ્યામાં ગ્રામ પંચાયતોની મુદત પૂર્ણ થતી હોવાથી ચૂંટણી માટે વહીવટી તંત્ર દ્વારા મતદાર યાદી સુધારણા સહિતની કામગીરી હાથ ધરવામાં આવી રહી છે. સંભવિત કાર્યક્રમ મુજબ ૨૭ નવેમ્બરે આખરી મતદાર યાદી જાહેર થયા બાદ નવેમ્બરના અંતિમ દિવસોમાં ચૂંટણીનું જાહેરનામું પ્રસિદ્ધ થઈ શકે છે. ડિસેમ્બર મહિનામાં મતદાન યોજાય તેવી શક્્યતા છે.
ગ્રામ પંચાયતોની ચૂંટણી ભલે બિનપક્ષીય ધોરણે યોજાતી હોય, પરંતુ ગુજરાતના રાજકારણમાં તેનું વિશેષ મહ¥વ છે. ખાસ કરીને ૨૦૨૭માં યોજાનારી વિધાનસભાની ચૂંટણી પહેલાં ગ્રામ પંચાયતોની ચૂંટણી ભાજપ અને કોંગ્રેસ સહિતના રાજકીય પક્ષો માટે લિટમસ ટેસ્ટ સાબિત થઈ શકે છે. ગામડાંમાં કયા પક્ષના સમર્થિત આગેવાનોનો દબદબો છે, સ્થાનિક સંગઠન કેટલું મજબૂત છે અને મતદારોનો ઝુકાવ કઈ તરફ છે તેનો અંદાજ આ ચૂંટણીનાં પરિણામો પરથી મળી શકશે.
ગ્રામ પંચાયતની ચૂંટણીઓને ધ્યાનમાં રાખીને રાજ્યના વિવિધ જિલ્લાઓમાં મતદાર યાદી તૈયાર કરવાની પ્રક્રિયા હાથ ધરવામાં આવી છે. સંભવિત સમયપત્રક મુજબ મતદાર યાદી અંગે વાંધા અને સૂચનો રજૂ કરવાની અંતિમ તારીખ ૨૩ નવેમ્બર રાખવામાં આવી છે. ત્યારબાદ ૨૭ નવેમ્બરે આખરી મતદાર યાદી પ્રસિદ્ધ થવાની શક્્યતા છે. આ પ્રક્રિયા પૂર્ણ થયા બાદ ચૂંટણી કાર્યક્રમ જાહેર થવાની સંભાવના વ્યક્ત કરવામાં આવી રહી છે.
ગાંધીનગર જિલ્લાની ૧૭૯ ગ્રામ પંચાયતો સહિત આણંદ અને રાજ્યના અન્ય જિલ્લાઓમાં પણ ગ્રામ પંચાયતોની ચૂંટણી યોજાવાની શક્્યતા છે. ચૂંટણીને ધ્યાનમાં રાખીને સંબંધિત વહીવટી તંત્ર દ્વારા મતદાર યાદી સુધારણા, વાંધા-સૂચનોનો નિકાલ અને અન્ય જરૂરી કામગીરી આગળ ધપાવવામાં આવી રહી છે. ચૂંટણી જાહેર થાય તે પહેલાં જરૂરી વહીવટી તૈયારીઓ પૂર્ણ કરવા પર ભાર મૂકવામાં આવી રહ્યો છે.
ગ્રામ પંચાયતની ચૂંટણીમાં રાજકીય પક્ષોના સત્તાવાર ચૂંટણી ચિહ્ન પર ઉમેદવારો મેદાનમાં ઊતરતા નથી. જાકે, સ્થાનિક સ્તરે ભાજપ અને કોંગ્રેસ સહિતના પક્ષોના આગેવાનો તથા કાર્યકરોની ભૂમિકા મહ¥વપૂર્ણ રહેતી હોય છે. સરપંચ અને સભ્યોની ચૂંટણીમાં કયા પક્ષના સમર્થિત ઉમેદવારો જીત મેળવે છે તેના આધારે ગ્રામ્ય વિસ્તારોમાં રાજકીય પક્ષોની પકડનો અંદાજ લગાવવામાં આવે છે.
આગામી વિધાનસભાની ચૂંટણી પહેલાં ગ્રામ્ય વિસ્તારોમાં રાજકીય સમીકરણો સમજવા માટે આ ચૂંટણી મહ¥વપૂર્ણ બની શકે છે. ખાસ કરીને સ્થાનિક નેતૃત્વ, સંગઠનની સક્રિયતા અને મતદારોના વલણ અંગે રાજકીય પક્ષોને આ ચૂંટણીમાંથી સંકેતો મળી શકે છે.
ગુજરાતમાં ૨૦૨૭ની વિધાનસભા ચૂંટણીને ધ્યાનમાં રાખીને ગ્રામ પંચાયતોની આગામી ચૂંટણીનું રાજકીય મહ¥વ વધી ગયું છે. ગામડાંમાં સ્થાનિક આગેવાનોની પકડ અને સંગઠનની Âસ્થતિ જાણવા માટે ચૂંટણીનાં પરિણામો મહ¥વપૂર્ણ બની રહેશે. આમ, ડિસેમ્બરમાં સંભવિત ગ્રામ પંચાયતની ચૂંટણી માત્ર સ્થાનિક સ્વરાજ્યની ચૂંટણી નહીં, પરંતુ આગામી વિધાનસભાના રાજકીય જંગ પહેલાંની મહ¥વપૂર્ણ કસોટી બની શકે છે.






































