લોહાણા મહાપરિષદના સૌરાષ્ટ્ર ઝોન-૪ (ભાવનગર, અમરેલી અને બોટાદ જિલ્લા)ની વર્ષ ૨૦૨૬-૩૧ની ટર્મની પ્રથમ કારોબારી બેઠક ૧૬ ઓગસ્ટ, ૨૦૨૬ના રોજ અમરેલીની લોહાણા મહાજન વાડી ખાતે યોજાઈ હતી. મહાપરિષદના વૈશ્વિક પ્રમુખ સતિષભાઈ વિઠ્ઠલાણીના માર્ગદર્શન અને ઝોનલ પ્રમુખ સુમિત ઠક્કરના નેતૃત્વ હેઠળ આયોજિત આ બેઠકમાં જ્ઞાતિના સર્વાંગી વિકાસનો સંકલ્પ લેવાયો હતો. ધ્વજ વંદન, દીપ પ્રાગટ્ય, જી.કે. ટેસ્ટના વિજેતા બાળકોનું સન્માન અને નવનિયુક્ત હોદ્દેદારોના શપથવિધિ સાથે કાર્યક્રમની શરૂઆત થઈ હતી. બેઠકમાં મહાપરિષદની વિવિધ સમિતિઓ, લોહાણા કનેક્ટ, LIBF અને વર્ષ ૨૦૨૭માં યોજાનારા ૭૫મા અમૃત મહોત્સવના આયોજન અંગે ગંભીર ચર્ચા કરવામાં આવી હતી. કૃષ્ણકાંતભાઈ રૂપારેલ અને ડો. ભરતભાઈ કાનાબાર સહિતના આગેવાનોએ પ્રેરણાદાયી માર્ગદર્શન આપ્યું હતું. અંતમાં, ઓપન ફોરમ અને આભારવિધિ બાદ રાષ્ટ્રગાન સાથે સંગઠનને વધુ મજબૂત કરવાના નિશ્ચય સાથે બેઠક સંપન્ન થઈ હતી.
