ટીમ ઇન્ડિયાના તમામ મુખ્ય ખેલાડીઓના કાર્યભારને ધ્યાનમાં લેતા, આગામી મહિનાઓમાં ભારતીય ક્રિકેટ ટીમનું શેડ્યૂલ વ્યસ્ત રહેવાની અપેક્ષા છે. આવું જ એક નામ ફાસ્ટ બોલર મોહમ્મદ સિરાજનું છે, જે ૨૭ સપ્ટેમ્બરથી શરૂ થનારી વેસ્ટ ઇન્ડીઝ સામેની ત્રણ મેચની વનડે શ્રેણીમાં રમતા જાવા મળશે. દરમિયાન, હૈદરાબાદ ક્રિકેટ એસોસિએશને આગામી રણજી ટ્રોફી સીઝન માટે મોહમ્મદ સિરાજને કેપ્ટન તરીકે નિયુક્ત કર્યા છે. આ બાબતને લઈને હવે એક મોટો અપડેટ સામે આવ્યો છે. સિરાજ વનડે શ્રેણી પૂર્ણ થયા પછી જ પોતાની ઘરેલુ ટીમમાં જાડાશે અને ફક્ત પ્રથમ બે મેચ માટે જ ટીમનું નેતૃત્વ કરશે.
હૈદરાબાદ ક્રિકેટ એસોસિએશન દ્વારા જારી કરાયેલી એક પ્રેસ રિલીઝમાં જણાવાયું છે કે મોહમ્મદ સિરાજને આગામી રણજી ટ્રોફી સીઝન માટે કેપ્ટન તરીકે નિયુક્ત કરવામાં આવ્યા છે. તેમની ગેરહાજરી અથવા અનુપલબ્ધતાના કિસ્સામાં, ઉપ-કપ્તાન સીવી મિલિંદ કેપ્ટનશીપ સંભાળશે. અનુભવી બેટ્સમેન તન્મય અગ્રવાલ અને રાહુલ સિંહ, વિકેટકીપર રાહુલ રાદેશ અને સાઈ પ્રજ્ઞા રેડ્ડી સાથે, ટીમમાં સામેલ કરવામાં આવ્યા છે. ૧૫ સભ્યોની ટીમમાં પસંદ કરાયેલા અન્ય ખેલાડીઓમાં તન્મય ત્યાગરાજન, અનિકેત રેડ્ડી અને અજય દેવ ગૌડનો સમાવેશ થાય છે. સિરાજ વેસ્ટ ઇન્ડિઝ સામેની ત્રણ મેચની વનડે શ્રેણી માટે ભારતની ટીમનો ભાગ છે, જે ૩ ઓક્ટોબરે નવા ચંદીગઢમાં સમાપ્ત થશે. હૈદરાબાદનો પ્રથમ રણજી ટ્રોફી મેચ ૧૧ ઓક્ટોબરે ત્રિપુરા સામે છે, જેના માટેનું સ્થળ હજુ નક્કી થયું નથી. આ પછી, હૈદરાબાદ ૧૮ ઓક્ટોબરે વિજયનગરમમાં આંધ્રપ્રદેશ સામે સિઝનની બીજી રણજી ટ્રોફી મેચ રમશે.
વેસ્ટ ઇન્ડિઝ સામેની શ્રેણી પૂર્ણ થયા પછી ભારતીય ટીમ ન્યુઝીલેન્ડ જવા રવાના થશે, જ્યાં તેઓ ૨૨ ઓક્ટોબરથી શરૂ થતી પાંચ મેચની ટી૨૦ શ્રેણી રમશે. ટી૨૦ ટીમમાં સિરાજની પસંદગી થવાની શક્્યતા ઓછી છે, પરંતુ તે વનડે અને ટેસ્ટ શ્રેણીનો ભાગ રહેશે, તેથી તેને તૈયારી માટે ટૂંક સમયમાં ન્યુઝીલેન્ડ જવા રવાના થવાની જરૂર પડશે. આ સ્થિતિમાં, સિરાજને રણજી ટ્રોફી સીઝનમાં ફક્ત બે મેચ રમવાની તક મળશે.
મોહમ્મદ સિરાજ (કેપ્ટન), સીવી મિલિંદ (ઉપ-કેપ્ટન), તન્મય અગ્રવાલ, એમ અભિરથ રેડ્ડી, રાહુલ સિંહ, કે હિમા તેજા, રાહુલ રાદેશ (વિકેટકીપર), સાઈ પ્રજ્ઞા રેડ્ડી (વિકેટકીપર), વરુણ ગૌડ, તનય ત્યાગરાજન, અનિકેત રેડ્ડી, સીએલટી. રક્ષન રેડ્ડી, અજય દેવ ગૌડ, રૂતિક યાદવ મેંડે, સાઈ વિકાસ રેડ્ડી.
