નીટ પેપર લીક મુદ્દાને લઈને નવી દિલ્હીના જંતર મંતર સહિત દેશભરમાં ચાલી રહેલા વિદ્યાર્થીઓના વિરોધ વચ્ચે, કેન્દ્રીય શિક્ષણ પ્રધાન ધર્મેન્દ્ર પ્રધાને રાજીનામું આપી દીધું છે. પ્રધાનનું રાજીનામું નરેન્દ્ર મોદી સરકારમાં એક દુર્લભ ઘટના છે, સરખામણી માટે, આપણે લગભગ નવ વર્ષ પાછળ ૨૦૧૮ માં જવું પડશે, જ્યારે એમ.જે. અકબરે વિદેશ રાજ્યમંત્રી પદેથી રાજીનામું આપ્યું હતું.
પેપર લીક સામે કોકરોચ જનતા પાર્ટી ના નેતૃત્વ હેઠળના રાષ્ટ્રવ્યાપી વિરોધ પ્રદર્શનો માટે ધર્મેન્દ્ર પ્રધાનનું રાજીનામું એક મોટી જીત છે. સરકારે વિરોધીઓની અન્ય માંગણીઓ પણ પૂર્ણ કરવાની ખાતરી આપી છે. નીટ પેપર લીક બાદ આત્મહત્યા કરનારા વિદ્યાર્થીઓના પરિવારોને રૂ. ૧ કરોડનું વળતર,સંસદ કૂચમાં ભાગ લેનારા વિદ્યાર્થીઓ સામે કોઈ કાનૂની કાર્યવાહી નહીં,વિદ્યાર્થીઓ પર હુમલો કરવા બદલ દિલ્હી પોલીસ અને આરએફએ તરફથી માફી
પ્રદર્શનો કરનારા શિક્ષણ મંત્રીના રાજીનામાની માંગ પર અડગ હતા. સીડજેપીએ આજે થનારી આગામી વાટાઘાટો માટે શિક્ષણ મંત્રીના રાજીનામાને પણ શરત બનાવી હતી.
પોતાના પદ પરથી રાજીનામું આપ્યા પછી, ધર્મેન્દ્ર પ્રધાને કહ્યું કે તેમણે નીટ પેપર લીકની સંપૂર્ણ જવાબદારી લીધી અને ક્્યારેય પરિસ્થિતિથી દૂર રહ્યા નહીં, પરંતુ જવાબદારીના હોદ્દા પર રહેલા લોકોએ સમસ્યાઓ ઊભી કરવાનો અને વિદ્યાર્થીઓને ગેરમાર્ગે દોરવાનો પ્રયાસ કર્યો.
પ્રધાને ઇન્સ્ટાગ્રામ પર એક પોસ્ટમાં લખ્યું, “જંતર-મંતર અને દેશભરની પરિસ્થિતિને જાતાં, ધ્યેય એ સુનિશ્ચિત કરવાનો છે કે રાષ્ટ્ર વિરોધી શક્તિઓ આનો લાભ ન લે, રાષ્ટ્રીય એકતા જળવાઈ રહે, કોઈપણ ભારતીય વિદ્યાર્થીનું ભવિષ્ય કાનૂની ગૂંચવણોમાં ન ફસાઈ જાય અને આપણા બાળકો તેમના અભ્યાસ અને કારકિર્દી પર ધ્યાન કેન્દ્રિત કરી શકે. મેં માનનીય વડા પ્રધાનને મારું રાજીનામું સુપરત કર્યું છે.”
વિપક્ષી નેતાઓ લાંબા સમયથી કેન્દ્ર સરકાર પર “અહંકાર”નો આરોપ લગાવી રહ્યા છે અને કહે છે કે અનેક વિવાદો છતાં મંત્રીઓ તેમના પદ પરથી રાજીનામું આપતા નથી. તેમનો દાવો છે કે ૨૦૧૪ માં વડા પ્રધાન નરેન્દ્ર મોદી સત્તામાં આવ્યા ત્યારથી આ વલણ ચાલુ છે.
