લીલીયાના દાડમા (પુતળીયા) ગામે પ્રેમલગ્ન બાદ દીકરી સાથે બોલવા મુદ્દે માતા પર હુમલો કરવામાં આવ્યો હતો. આ અંગે આશા વર્કર તરીકે કામ કરતાં દયાબેન હરિભાઈ લુહાર (ઉં.વ.૪૨)એ પ્રતાપભાઈ મૂળજીભાઈ સારીખડા, મૂળજીભાઈ ખીમાભાઈ સારીખડા, જસુબેન મૂળજીભાઈ સારીખડા તથા
રસિલાબેન ઉર્ફે પૂજાબેન સામે ફરિયાદ નોંધાવી હતી. પોલીસમાં જાહેર થયેલી વિગત પ્રમાણે, પ્રતાપભાઈ મૂળજીભાઈ સારીખડાએ તેમની દીકરી રીનાબેન સાથે તેમની મરજી વિરુદ્ધ પ્રેમલગ્ન કર્યા હતા. હાલમાં તેમની દીકરી તેમની સાથે બોલવા લાગી હતી, જે બાબતનું મનદુઃખ રાખી પ્રતાપભાઈ મૂળજીભાઈ સારીખડાએ તેમને છૂટા હાથે ઈંટ મારી ડાબા હાથે ફ્રેક્ચરની ગંભીર ઈજા પહોંચાડી હતી તથા ગાળો આપી જાનથી મારી નાખવાની ધમકી આપી હતી. તેમજ અન્ય આરોપીઓએ પણ જેમ ફાવે તેમ ગાળો આપી હતી. લીલીયા પોલીસ સ્ટેશનના હેડ કોન્સ્ટેબલ ગૌતમભાઈ વલકુભાઈ વધુ તપાસ કરી રહ્યા છે.






























