બાબરા તાલુકાના નાની કુંડળ ગામે ગણેશ ચતુર્થીના પાવન દિવસે નાની કુંડળકા રાજા મિત્ર મંડળ અને ભુપતભાઈ સાકળીયાના આયોજનથી ગણપતિ બાપ્પાની મૂર્તિની સ્થાપના કરી ગણેશ મહોત્સવ ઉજવાયો હતો. લીંબડીયા સાત હનુમાન આશ્રમના મહંત સીતારામ બાપુ ઉપસ્થિત રહ્યા હતા. તેમના વરદહસ્તે આરતી અને પૂજા-અર્ચના કરવામાં આવી હતી. પ્રસંગે નાની બાળાઓને સ્ટીલનાં વાસણ ભેટ આપી સન્માનિત કરાઈ હતી. મોટી સંખ્યામાં ગ્રામજનોએ ઉપસ્થિત રહી ભક્તિમય વાતાવરણમાં ઉજવણી કરી હતી.