અમરેલી જિલ્લાના સાવરકુંડલા સ્થિત કે.કે. મહેતા સરકારી હોસ્પિટલે માત્ર ૨૪ કલાકમાં કુલ ૧૯ સફળ પ્રસુતિઓ સંપન્ન કરી તબીબી ક્ષેત્રે અનોખો રેકોર્ડ સર્જ્યો છે. કુશળ તબીબી ટીમ દ્વારા ૧૬ નોર્મલ અને ૩ સિઝેરિયન પ્રસુતિઓ સફળતાપૂર્વક કરાઈ હતી, જેમાં તમામ ૧૯ માતાઓ અને નવજાત શિશુઓ સંપૂર્ણ સ્વસ્થ છે. હોસ્પિટલ અધિક્ષક ડો. વિવેક તરસરીયા, આર.એમ.ઓ. માલવિકા ચૌધરી અને હેડ નર્સ મીનાક્ષીબેન ત્રિવેદીના માર્ગદર્શન હેઠળ સ્ત્રીરોગ નિષ્ણાતો, એનેસ્થેટિસ્ટ અને ન‹સગ સ્ટાફે ૨૪ કલાક ખડેપહેરે સેવા આપી હતી. આધુનિક સાધનોની સુવિધા સાથે ‘માતૃ વંદના’ અને ‘જનની સુરક્ષા યોજના’ હેઠળ લાભાર્થી માતાઓને નિઃશુલ્ક સારવાર અપાઈ હતી.










































