અમરેલી નગરપાલિકાના પ્રમુખ વૈશાલીબેન માંગરોળિયાએ શહેરના હરિ રોડ પર ચાલી રહેલા રોડનાં કામની ગુણવત્તા ચકાસવા રાત્રિના સમયે ખુદ સ્થળ પર પહોંચી સરપ્રાઇઝ ચેકિંગ કર્યું હતું. રાત્રે આશરે ૧૧ઃ૩૦ વાગ્યે હરિ રોડ પર પહોંચેલા પ્રમુખે રોડની કામગીરીનું સ્થળ પર નિરીક્ષણ કર્યું હતું. રોડની જાડાઈ અને ગુણવત્તા ચકાસવા માટે તેમણે મેઝર ટેપથી જાતે માપણી પણ કરી હતી. ઉપરાંત હરિ રોડના વેપારીઓ સાથે સીધી વાતચીત કરી રોડનાં કામ અંગે તેમનો અભિપ્રાય જાણ્યો હતો. અધિકારીઓ કે કર્મચારીઓના અહેવાલ પર આધાર રાખવાને બદલે પ્રમુખે જાતે સ્થળ પર પહોંચી કામગીરીની ચકાસણી કરતાં વેપારીઓએ સંતોષ વ્યક્ત કર્યો હતો. લાંબા સમય બાદ હરિ રોડનું કામ શરૂ થતાં વેપારીઓમાં ખુશી જોવા મળી રહી છે.
