પૂર્વ આપ નેતા અને કવિ કુમાર વિશ્વાસ સામે મુશ્કેલીઓ વધતી જતી હોય તેવું લાગે છે. સુલતાનપુર સ્પેશિયલ મેજિસ્ટ્રેટ કોર્ટે ૨૦૧૪ની લોકસભા ચૂંટણી દરમિયાન દાખલ કરાયેલા આચારસંહિતા ભંગના કેસમાં તેમની સામે સમન્સ જારી કર્યા છે. સાંસદ/ધારાસભ્ય કોર્ટના સ્પેશિયલ મેજિસ્ટ્રેટ શુભમ વર્માએ કુમાર વિશ્વાસને ૩૦ સપ્ટેમ્બરે કોર્ટમાં હાજર રહેવાનો આદેશ આપ્યો છે.આ કેસ ૨૦૧૪ની લોકસભા ચૂંટણીનો છે, જ્યારે કુમાર વિશ્વાસ અમેઠી સંસદીય મતવિસ્તારથી આપ ઉમેદવાર તરીકે ચૂંટણી લડી રહ્યા હતા. ચૂંટણી પ્રચાર દરમિયાન તેમણે આચારસંહિતાનો ભંગ કર્યો હોવાનો આરોપ છે. મંગળવારે કેસની સુનાવણી કરતા કોર્ટે કુમાર વિશ્વાસને સમન્સ પાઠવવાનો આદેશ જારી કર્યો હતો. તેમણે હવે ૩૦ સપ્ટેમ્બરે કોર્ટમાં પોતાનો પક્ષ રજૂ કરવા માટે હાજર રહેવું પડશે.૨૨ માર્ચ, ૨૦૧૪ ના રોજ, લોકસભા ચૂંટણી પ્રચાર દરમિયાન, તત્કાલીન ઉમેદવાર કુમાર વિશ્વાસ અને તેમના સહયોગીઓ પર અમેઠી જિલ્લાના જગદીશપુર પોલીસ સ્ટેશનમાં આદર્શ આચારસંહિતાનું ઉલ્લંઘન કરવાનો આરોપ મૂકવામાં આવ્યો હતો. સંપૂર્ણ તપાસ પૂર્ણ કર્યા પછી, પોલીસે કોર્ટમાં ચાર્જશીટ દાખલ કરી.
અમેઠી જિલ્લાના સ્થાનિક પોલીસ સ્ટેશનના તત્કાલીન સ્ટેશન ઇન્ચાર્જ મોહમ્મદ હમીદે ૫ મે, ૨૦૧૪ ના રોજ બનેલી ઘટનાને આદર્શ આચારસંહિતાનું ઉલ્લંઘન અને અન્ય આરોપોનો ઉલ્લેખ કરીને આમ આદમી પાર્ટીના નેતાઓ સોમનાથ ભારતી, કુમાર વિશ્વાસ, સત્યેન્દ્ર જૈન અને અન્ય લોકો સામે એફઆઈઆર દાખલ કરી હતી. પોલીસે આ કેસમાં ત્રણેય આરોપીઓ સામે ચાર્જશીટ દાખલ કરી છે.
આ કેસ હાલમાં સુલતાનપુરની એમપી-એમએલએ મેજિસ્ટ્રેટ કોર્ટમાં સુનાવણી હેઠળ છે. આ કેસ ઘણા સમયથી એમપી-એમએલએ કોર્ટમાં પેÂન્ડંગ છે. સુનાવણીમાં તેમની ગેરહાજરી અને પ્રક્રિયામાં વિલંબ પર કડક વલણ અપનાવતા, કોર્ટે તેમને સમન્સ જારી કર્યા છે.
