ભારત સ્વતંત્રતાના ૮૦ વર્ષની ઉજવણી કરી રહ્યું છે. ભારતીય ક્રિકેટ ટીમ હાલમાં સ્વતંત્રતા દિવસ પર ત્રિરંગો ફરકાવી રહી છે અને દેશભરમાં દેશભક્તિના કાર્યક્રમોનું આયોજન કરી રહી છે. દરમિયાન, શ્રીલંકાના પ્રવાસ પર રહેલી ભારતીય ક્રિકેટ ટીમે પણ આ ખાસ દિવસને યાદગાર રીતે ઉજવ્યો. ગાલેમાં શ્રીલંકા સામે બે ટેસ્ટ મેચની શ્રેણીની પહેલી મેચ શરૂ થાય તે પહેલાં, ભારતીય ટીમે ભેગા થઈને ત્રિરંગો ફરકાવ્યો. વિદેશી ધરતી પર ભારતીય ખેલાડીઓનો આ હાવભાવ દેશ પ્રત્યેના તેમના આદર અને જાડાણને દર્શાવે છે.ભારતીય ક્રિકેટ નિયંત્રણ બોર્ડએ ટીમ ઇન્ડીયાના સ્વતંત્રતા દિવસની ઉજવણીનો એક વિડિઓ પણ શેર કર્યો. વિડિઓમાં ભારતીય ખેલાડીઓ અને ટીમના સભ્યો ત્રિરંગા સામે ઉભા રહેલા દેખાય છે. ટીમે દેશ પ્રત્યે પોતાનો આદર વ્યક્ત કર્યો અને સ્વતંત્રતા દિવસની ઉજવણીમાં ભાગ લીધો. તેઓએ રાષ્ટÙગીત પણ ગાયું. આ ક્ષણ ભારતીય ક્રિકેટ ટીમ માટે પણ ખાસ છે, કારણ કે આ દિવસે તેણે તેની ઐતિહાસિક ૬૦૦મી ટેસ્ટ મેચ ઉજવી હતી. ગાલેમાં શ્રીલંકા સામેની આ મેચ ભારતના ટેસ્ટ ક્રિકેટ ઇતિહાસમાં એક મોટો સીમાચિહ્નરૂપ છે.
ભારત ૧૯૩૨માં ટેસ્ટ ક્રિકેટમાં જાડાયું હતું અને હવે, ૯૪ વર્ષની સફર પછી, ટીમ તેની ૬૦૦મી ટેસ્ટ રમી રહી છે. ભારત આવું કરનારી વિશ્વની ત્રીજી ટીમ છે. તેમના પહેલા, ઇંગ્લેન્ડ અને ઓસ્ટ્રેલિયા ૬૦૦ કે તેથી વધુ ટેસ્ટ રમી ચૂક્્યા છે. શુભમન ગિલ આ ઐતિહાસિક મેચમાં ભારતીય ટીમનું નેતૃત્વ કરી રહ્યા છે. ગિલના નેતૃત્વમાં, ટીમ શ્રીલંકા સામેની ટેસ્ટ શ્રેણીની શરૂઆત જીત સાથે કરવા માંગશે.સ્વતંત્રતા દિવસે ગાલેમાં ત્રિરંગો ફરકાવ્યા પછી, ભારતીય ખેલાડીઓ હવે મેદાન પર શાનદાર પ્રદર્શન પર ધ્યાન કેન્દ્રિત કરી રહ્યા છે. હજારો કિલોમીટર દૂર, ભારતીય ટીમ માટે આ પ્રસંગ ફક્ત ક્રિકેટ મેચ નથી, પરંતુ રાષ્ટ્રીય ગૌરવ સાથે સંકળાયેલ ભાવનાત્મક પ્રસંગ પણ છે.
