બંગાળ ક્રિકેટર અને દિલ્હી કેપિટલ્સના ખેલાડી અભિષેક પોરેલની મુશ્કેલીઓ વધી છે, જેમની લગ્નના ખોટા બહાના હેઠળ બળાત્કાર, હુમલો અને ગુનાહિત ધમકીના આરોપમાં ધરપકડ કરવામાં આવી હતી. ત્રણ દિવસ પોલીસ કસ્ટડીમાં રહ્યા બાદ, તેને શુક્રવારે હુગલીની ચિંસુરા કોર્ટમાં રજૂ કરવામાં આવ્યો, જ્યાં તેની જામીન અરજી ફગાવી દેવામાં આવી. કોર્ટે તેને ૧૪ દિવસ માટે ન્યાયિક કસ્ટડીમાં મોકલવાનો આદેશ આપ્યો. આ કેસ હુગલીના મોગરા પોલીસ સ્ટેશન વિસ્તારનો છે. કર્ણાટકની એક મેડિકલ સ્ટુડન્ટે ૨૩ જૂને અભિષેક પોરેલ વિરુદ્ધ પોલીસ ફરિયાદ નોંધાવી હતી. મહિલાનો આરોપ છે કે તે અને પોરેલ લગભગ સાડા ત્રણ વર્ષથી રિલેશનશિપમાં હતા અને લગ્ન કરવાનું પણ વિચાર્યું હતું. ફરિયાદ મુજબ, તેઓ સાથે વિદેશ પણ ગયા હતા.મહિલાનો આરોપ છે કે તેમના સંબંધોમાં લગભગ દોઢ વર્ષ પહેલા વિવાદ શરૂ થયો હતો. આ પછી, પોરેલે તેનાથી દૂર રહેવાનું શરૂ કર્યું અને કથિત રીતે તેની સાથે લગ્ન કરવાનો ઇનકાર કર્યો. ફરિયાદમાં, મહિલાનો આરોપ છે કે તેણે લગ્નના ખોટા બહાના હેઠળ તેની સાથે શારીરિક સંબંધ બાંધવા માટે દબાણ કર્યું હતું. તેણીએ ક્રિકેટર પર હુમલો અને ગુનાહિત ધાકધમકીનો પણ આરોપ લગાવ્યો છે.ફરિયાદ મુજબ, બંને વચ્ચેનો વિવાદ પહેલા પણ પોલીસ સુધી પહોંચ્યો હતો, પરંતુ તે સમયે કોઈ ઔપચારિક ફરિયાદ દાખલ કરવામાં આવી ન હતી. આ વખતે, મહિલાએ મોગરા પોલીસ સ્ટેશનમાં લેખિત ફરિયાદ નોંધાવી હતી, ત્યારબાદ પોલીસે આ મામલાની તપાસ શરૂ કરી હતી.
કોલકાતા હાઈકોર્ટના નિર્દેશ બાદ, પોલીસે દમદમ પોલીસ સ્ટેશનના ઈમામી સિટી વિસ્તારમાંથી અભિષેક પોરેલની ધરપકડ કરી હતી. ધરપકડ બાદ, કોર્ટે તેને ત્રણ દિવસની પોલીસ કસ્ટડીમાં મોકલી આપ્યો હતો. હવે, શુક્રવારે તેની હાજરી દરમિયાન, કોર્ટે તેની જામીન અરજી ફગાવી દીધી હતી અને તેને ૧૪ દિવસની ન્યાયિક કસ્ટડીમાં મોકલી દીધો હતો.પોલીસના જણાવ્યા અનુસાર, અભિષેક પોરેલ સામે ભારતીય દંડ સંહિ તાની અનેક કલમો હેઠળ કેસ નોંધવામાં આવ્યો છે. આમાં કલમ ૬૪(૧), ૬૬, ૬૯, ૭૪, ૭૫(૨), ૭૯, ૧૧૫(૨), ૧૧૭(૨), ૧૨૪(૧), ૧૨૭(૨), ૧૦૯, ૩૦૮(૨), ૩૫૧(૨), ૩૫૧(૩), ૩૧૬(૨), ૩૧૮(૩), ૬૧(૨), અને ૩(૫)ની કલમો શામેલ છે. ઇન્ફોર્મેશન ટેકનોલોજી એક્ટની કલમ ૬૬ઈ અને ૭૨ હેઠળ પણ કેસ નોંધવામાં આવ્યો છે.જાકે, અભિષેક પોરેલે પહેલાથી જ તેમના પરના આરોપોને નકારી કાઢ્યા છે. પોલીસ હાલમાં આ મામલાની તપાસ કરી રહી છે. મહિલાના આરોપો અને ક્રિકેટરનો પક્ષ અંગે કાનૂની પ્રક્રિયા પૂર્ણ થયા પછી જ કેસનું સંપૂર્ણ ચિત્ર સ્પષ્ટ થશે.
અભિષેક પોરેલ ડાબોડી બેટ્સમેન છે અને ૨૦૨૩ થી આઇપીએલમાં દિલ્હી કેપિટલ્સનો ભાગ છે. તે બંગાળ માટે ઘરેલુ ક્રિકેટ પણ રમે છે. તેણે ૨૦૨૧-૨૨ સીઝનમાં ફર્સ્ટ ક્લાસ ડેબ્યૂ કર્યું હતું. પોરેલે ઈન્ડિયા છ ટીમ સાથે ઈંગ્લેન્ડ અને ઓસ્ટ્રેલિયાનો પણ પ્રવાસ કર્યો છે. આ કેસમાં તેની આગળની કાનૂની કાર્યવાહી હવે ન્યાયિક કસ્ટડીમાં રહેશે.
