હાલમાં દુબઈમાં ચાલી રહેલા મહિલા ટી ૨૦ એશિયા કપમાં રમી રહેલી ભારતીય મહિલા ક્રિકેટ ટીમે ૫ સપ્ટેમ્બરના રોજ પાકિસ્તાની મહિલા ટીમ સામેની તેમની અંતિમ ગ્રુપ સ્ટેજ મેચ ૭-વિકેટના માર્જિનથી જીતી લીધી. આ મેચમાં, ટીમ ઇન્ડિયાની સ્ટાર યુવા ઓપનિંગ બેટ્સમેન, શેફાલી વર્માએ ૧૨ રનની ટૂંકી ઇનિંગ રમીને મહિલા ટી ૨૦ આંતરરાષ્ટ્રીય ક્રિકેટમાં એક મોટો સીમાચિહ્ન હાંસલ કર્યો. તે હવે મહિલા ટી ૨૦ આંતરરાષ્ટ્રીય ક્રિકેટમાં ૩,૦૦૦ રનનો આંકડો પૂર્ણ કરનારી સૌથી નાની ખેલાડી બની ગઈ છે, જે આયર્લેન્ડની ગેબી લુઈસનો રેકોર્ડ તોડી રહી છે.
મહિલા ટી ૨૦ આંતરરાષ્ટÙીય ક્રિકેટમાં ભારતીય ટીમની ઓપનિંગ બેટ્સમેન, શેફાલી વર્માને એક આક્રમક બેટ્સમેન માનવામાં આવે છે જે પોતાની રમતથી મેચોને એકતરફી સ્પર્ધામાં ફેરવી શકે છે. જાકે શેફાલી પાકિસ્તાની મહિલા ટીમ સામે ૧૨ રન બનાવીને પેવેલિયન પરત ફર્યા હતા, તેમ છતાં તે ટી ૨૦ આંતરરાષ્ટ્રીય ક્રિકેટમાં ૩,૦૦૦ રન પૂર્ણ કરવામાં સફળ રહી. શેફાલી વર્માએ તેની ૧૧૪મી ટી ૨૦ આંતરરાષ્ટÙીય મેચમાં આ સિદ્ધિ હાંસલ કરી. તેણીએ પોતાની ૧૧૩ ઇનિંગ્સમાં ૨૮.૦૮ ની સરેરાશથી ૩,૦૦૫ રન બનાવ્યા છે. શેફાલી વર્મા મહિલા ટી૨૦ આંતરરાષ્ટ્રીય મેચોમાં ૩,૦૦૦ કે તેથી વધુ રન બનાવનારી ફક્ત ત્રીજી ભારતીય ખેલાડી છે. અગાઉ, ફક્ત સ્મૃતિ મંધાના અને હરમનપ્રીત કૌરે જ આ સિદ્ધિ મેળવી હતી.
મહિલા ટી૨૦ આંતરરાષ્ટ્રીય મેચોમાં ૩,૦૦૦ રનનો આંકડો પૂર્ણ કરનારી સૌથી નાની ઉંમરની ખેલાડીઃ
શેફાલી વર્મા (ભારત) – ૨૨ વર્ષ, ૨૨૦ દિવસ
ગેબી લુઇસ (આયર્લેન્ડ) – ૨૪ વર્ષ, ૩૪૭ દિવસ
ઈશા ઓઝા (યુએઈ) – ૨૭ વર્ષ, ૧૩૯ દિવસ
સ્મૃતિ મંધાના (ભારત) – ૨૭ વર્ષ, ૧૭૧ દિવસ
હેલી મેથ્યુસ (વેસ્ટ ઇન્ડિઝ) – ૨૭ વર્ષ, ૩૪૭ દિવસ
પાકિસ્તાન મહિલા ટીમ સામેની મેચમાં, જ્યારે ભારતીય ટીમ ૫૬ રનના લક્ષ્યનો પીછો કરવા ઉતરી હતી, ત્યારે શેફાલી વર્માએ પહેલા જ બોલ પર સિક્સર ફટકારીને આક્રમક રીતે ઇનિંગની શરૂઆત કરી હતી. આ સાથે, શેફાલી વર્મા મહિલા ટી૨૦ આંતરરાષ્ટ્રીય મેચમાં ઇનિંગના પહેલા જ બોલ પર બે વાર સિક્સર ફટકારનારી પ્રથમ ખેલાડી બની હતી. આ પહેલા, શેફાલીએ ૨૦૨૬ માં એજબેસ્ટન ખાતે પાકિસ્તાન મહિલા ટીમ સામેની મેચમાં સાદિયા ઇકબાલ દ્વારા ફેંકવામાં આવેલી ઇનિંગના પહેલા જ બોલ પર સિક્સર ફટકારી હતી.
