નીરજ ચોપરા કોમનવેલ્થ ગેમ્સમાં ચમક્યા, પાકિસ્તાનના અરશદ નદીમને હરાવીને ફાઇનલમાં સ્થાન મેળવ્યું

૨૦૨૬ કોમનવેલ્થ ગેમ્સમાં ભાલા ફેંકમાં ભારત માટે સારા સમાચાર. કોમનવેલ્થ ગેમ્સમાં લાંબા સમય બાદ પરત ફરતા સ્ટાર ભાલા ફેંક ખેલાડી નીરજ ચોપરાએ પુરુષોના ભાલા ફેંકના ફાઇનલ માટે ક્વોલિફાય કર્યું છે. ઉલ્લેખનીય છે કે, ફક્ત નીરજ જ નહીં, પરંતુ ત્રણેય ભારતીય ભાલા ફેંક ખેલાડીઓએ ક્વોલિફિકેશન પડકાર સફળતાપૂર્વક પાર કર્યો છે. રોહિત યાદવ અને યશવીર સિંહે પણ જારદાર પ્રદર્શન કરીને ફાઇનલમાં સ્થાન મેળવ્યું છે. પાકિસ્તાનના ઓલિમ્પિક ચેમ્પિયન અરશદ નદીમે પણ આગલા રાઉન્ડમાં પ્રવેશ કર્યો છે. નોંધનીય છે કે, ક્વોલિફિકેશન રાઉન્ડમાં નીરજ અરશદ નદીમ કરતાં વધુ દૂર ભાલા ફેંકવામાં સફળ રહ્યો.
ગ્લાસગોમાં આયોજિત ક્વોલિફિકેશન રાઉન્ડમાં, નીરજ ચોપરાએ પોતાના શ્રેષ્ઠ પ્રયાસમાં ૭૯.૬૧ મીટરનો ભાલા ફેંક્યો. જ્યારે તે ૮૪.૦૦ મીટરના ઓટોમેટિક ક્વોલિફિકેશન માર્ક સુધી પહોંચવામાં નિષ્ફળ ગયો, ત્યારે તેણે ૧૨-મેન ફાઇનલમાં બંને ક્વોલિફિકેશન ગ્રુપના એકંદર પ્રદર્શનના આધારે પાંચમું સ્થાન મેળવ્યું. આ સ્પર્ધામાં રમતવીરો માટે હવામાને એક મહત્વપૂર્ણ પડકાર ઉભો કર્યો હતો. ગ્લાસગોમાં ઠંડી અને વાદળછાયું વાતાવરણને કારણે, કોઈ પણ ખેલાડી ૮૪ મીટરના ઓટોમેટિક ક્વોલિફિકેશન માર્ક સુધી પહોંચી શક્્યો ન હતો. તેથી, બંને જૂથોના શ્રેષ્ઠ પ્રદર્શનના આધારે ફાઇનલિસ્ટનો નિર્ણય લેવામાં આવ્યો.
ત્રણેય ભારતીય ખેલાડીઓ ફાઇનલમાં પહોંચ્યા. ભારત માટે સૌથી મોટી ખુશી એ હતી કે ત્રણેય ખેલાડીઓ ફાઇનલ માટે ક્વોલિફાય થયા. રોહિત યાદવે ૭૮.૩૭ મીટરના શ્રેષ્ઠ થ્રો સાથે નવમા સ્થાને ક્વોલિફાય કર્યું, જ્યારે યશવીર સિંહે ૭૮.૩૬ મીટરના પ્રયાસ સાથે ૧૦મું સ્થાન મેળવ્યું. આનાથી હવે ભારતને ત્રણ મજબૂત મેડલ દાવેદાર મળ્યા છે.
શ્રીલંકાના રુમેશ થરંગા પથિરાજે ક્વોલિફિકેશન રાઉન્ડમાં આગળ રહ્યા. તેમણે ૮૨.૮૪ મીટરના થ્રો સાથે પ્રથમ સ્થાન મેળવ્યું. દરમિયાન, પાકિસ્તાનના અરશદ નદીમે તેના પ્રારંભિક પ્રયાસ પછી પોતાનું અંતર સુધાર્યું ન હતું, પરંતુ ૭૮.૬૩ મીટર સાથે સાતમા સ્થાને રહીને ફાઇનલમાં સ્થાન મેળવવામાં સફળ રહ્યો. હવે બધાની નજર ફાઇનલ પર રહેશે, જ્યાં નીરજ ચોપરા ફરી એકવાર મોટા મંચ પર ગોલ્ડ મેડલ જીતવાનું લક્ષ્ય રાખશે. ત્રણ ભારતીય ખેલાડીઓ ફાઇનલમાં પહોંચવાથી, દેશની મેડલની આશાઓ નોંધપાત્ર રીતે વધી ગઈ છે.
પુરુષોના ભાલા ફેંકના ક્વોલિફિકેશન રાઉન્ડના પરિણામો નીચે મુજબ હતા, જેમાં ટોચના ૧૨ ખેલાડીઓ ફાઇનલમાં પહોંચ્યાઃ
રૂમેશ પાથિરાજ – ૮૨.૮૪ મીટર
એન્ડરસન પીટર્સ – ૮૧.૨૯ મીટર
ડાઉ Âસ્મથ – ૮૦.૬૪ મીટર
બેન ઇસ્ટ – ૮૦.૩૮ મીટર
નીરજ ચોપરા – ૭૯.૬૧ મીટર
કેમેરોન મેકિન્ટાયર – ૭૮.૯૧ મીટર
અરશદ નદીમ – ૭૮.૬૩ મીટર
કીશોન સ્ટ્રેચન – ૭૮.૬૦ મીટર
રોહિત યાદવ – ૭૮.૩૭ મીટર
યશવીર સિંહ – ૭૮.૩૬ મીટર
કેશોર્ન વોલકોટ – ૭૮.૨૬ મીટર
ચિનેચેરેમ ન્નામી- ૭૫.૨૭ મીટર