ઓવરસીઝ સિટીઝન ઓફ ઇન્ડિયા (ઓસીઆઇ) કાર્ડ ધરાવતા બાર યુવા ક્રિકેટરોએ બીસીસીઆઇના ૨૦૨૩ ના નિર્ણયને પડકારતી બોમ્બે હાઈકોર્ટમાં અરજી દાખલ કરી હતી, જેમાં પર્સન ઓફ ઇન્ડિયન ઓરિજિન અથવા ઓસીઆઇ કાર્ડધારકો સહિત વિદેશીઓને બોર્ડ દ્વારા આયોજિત ટુર્નામેન્ટમાં ભાગ લેવા માટે ગેરલાયક ઠેરવવામાં આવ્યા હતા. ૧૭ જુલાઈના રોજ થયેલી સુનાવણીમાં, ભારતીય ક્રિકેટ બોર્ડે કોર્ટને જાણ કરી કે ભારતનું પ્રતિનિધિત્વ કરતી રાષ્ટ્રીય ટીમમાં પસંદગી માટે ફક્ત ભારતીય નાગરિકોને જ ધ્યાનમાં લેવામાં આવે છે. તેથી,ઓસીઆઇ કાર્ડધારકોને ઘરેલુ ટુર્નામેન્ટમાં ભાગ લેવાની પરવાનગી નથી.
બોમ્બે હાઈકોર્ટે અરજી પર સુનાવણી કરી, જેની સુનાવણી મુખ્ય ન્યાયાધીશ રવિન્દ્ર ઘુગે અને ન્યાયાધીશ ગૌતમ અંકડની ડિવિઝન બેન્ચ દ્વારા કરવામાં આવી હતી, જેઓ માનતા હતા કે ખેલાડીઓનું ભવિષ્ય વિદેશમાં સારું હોઈ શકે છે. ન્યાયાધીશોએ પૂછ્યું, “તમે ત્યાં કેમ નથી રમતા? તમારી પાસે ત્યાં પસંદગી થવાની વધુ સારી તક હોઈ શકે છે, કારણ કે દરેક વ્યÂક્ત ભારતમાં ક્રિકેટ રમે છે.” તેમણે એમ પણ કહ્યું કે અરજદારો જા ઇચ્છે તો ભવિષ્યમાં ભારત પાછા ફરી શકે છે. ભારત તમારા માતાપિતાની માતૃભૂમિ છે, તેથી તેઓએ ભારત પાછા ફરવું જાઈએ. પરંતુ જા તમારો દેશ તમને તમારી નાગરિકતાનો ત્યાગ કરવાની મંજૂરી આપતો નથી, તો તે અલગ બાબત છે.
આ કેસની સુનાવણી દરમિયાન, અરજદારોએ જણાવ્યું હતું કે તેઓ વર્ષોથી ભારતમાં રહી રહ્યા છે, અને દલીલ કરી હતી કે ઓસીઆઇ કાર્ડ ધારકોના બાળકોને અભ્યાસેતર અને રમતગમત ક્ષેત્રોમાં યોગ્ય તકો ન આપવી એ ઘોર અન્યાય અને ભેદભાવ છે. શું તેમના બાળકો સાથે સમાન વર્તન ન કરવું જાઈએ? શું તેમના સપનાઓને સાકાર કરવા માટે તેમના પરિવારોને પાછળ છોડી દેશે તેવી અપેક્ષા રાખવી કઠોર નહીં હોય? તેમણે ભારપૂર્વક જણાવ્યું હતું કે બીસીસીઆઇનો નિર્ણય સ્પષ્ટપણે મનસ્વી હતો, કારણ કે ઓસીઆઇ કાર્ડ ધારકોને અગાઉ સ્થાનિક ટુર્નામેન્ટમાં ભાગ લેવાની મંજૂરી હતી.
બીસીસીઆઇએ ૨૦૨૩ માં નિયમ લાગુ કર્યો હતો કે ફક્ત ભારતીય નાગરિકો જ સ્થાનિક ટુર્નામેન્ટમાં ભાગ લઈ શકે છે. આ અરજીની સુનાવણી દરમિયાન, બીસીસીઆઇએ સ્પષ્ટતા કરી હતી કે તેણે ઓસીઆઇ કાર્ડધારકોને પહેલાથી જ જાણ કરી દીધી છે કે જા તેઓ ભારતીય નાગરિકત્વ મેળવે છે, તો ટુર્નામેન્ટમાં તેમના ભાગ લેવા પર કોઈ પ્રતિબંધ રહેશે નહીં. અરજદારોએ કોર્ટને જાણ કરી હતી કે તેઓએ ભારતીય નાગરિકત્વ માટે અરજી કરી છે, પરંતુ તેમની અરજીઓ હજુ પણ પેન્ડીંગ છે. બંને પક્ષોની દલીલો સાંભળ્યા પછી, કોર્ટે આગામી સુનાવણી માટે ૧૩ ઓગસ્ટની તારીખ નક્કી કરી છે.
