(એચ.એસ.એલ),અમદાવાદ,તા.૯
અમદાવાદ શહેરમાં ફરી એકવાર કોર્પોરેશનની કાર્યપ્રણાલી પર પ્રશ્નચિહ્ન ઊભું થયું છે. શહેરના મુખ્ય માર્ગો પર ઝળહળતા હોંડાન્સ પાછળ ચાલી રહેલી ‘અદૃશ્ય રમત’ હવે જાહેર થઈ ગઈ છે. અમદાવાદ મ્યુનિસિપલ કોર્પોરેશનના કેટલાક અધિકારીઓ અને ખાનગી હો‹ડગ્સ એજન્સીઓની મિલીભગતથી મોટું કૌભાંડ આચરાયું હોવાનો પર્દાફાશ થયો છે.
નિયમ સ્પષ્ટ છે ઃ ઓક્શન દ્વારા ફાળવાયેલી હોડગ્સની જગ્યા બદલી શકાતી નથી. પણ નિયમો કાગળ પર અને હકીકત રસ્તા પર અલગ જ દેખાય. તપાસ દરમિયાન ખુલ્યું છે કે ૨૮ જેટલી કંપનીઓએ ઓક્શન પૂર્ણ થયા બાદ પોતાની હો‹ડગ્સની જગ્યાઓ મનમાની રીતે બદલી નાખી. માત્ર એટલું જ નહીં, ૬૧ હોડગ્સનો મંજૂર સમયગાળો પૂર્ણ થઈ ગયો હોવા છતાં જાહેરાતો ચાલુ રાખવામાં આવી, જાણે નિયમોનું કોઈ અસ્થિત્વ જ ન હોય.
આ સમગ્ર મામલાનો પર્દાફાશ ટાઉન પ્લાનિંગ કમિટીએ કર્યો છે. કમિટીની તપાસમાં સામે આવ્યું કે કોર્પોરેશન દ્વારા ઓક્શનથી ફાળવાયેલી જગ્યાઓને ‘ચેન્જ ઓફ સાઇટ’ની નીતિના બહાને બીજી જગ્યાએ ખસેડવામાં આવી રહી હતી. આ પ્રક્રિયામાં વ્યાપક સ્તરે અનિયમિતતાઓ થઈ હોવાનું સામે આવતાં, તાત્કાલિક અસરથી ચેન્જ ઓફ સાઇટને મંજૂરી આપવાની પ્રક્રિયા બંધ કરવાનો નિર્ણય લેવાયો છે.
હવે માત્ર એટલું પૂરતું નહીં માનતા ભૂતકાળમાં આપવામાં આવેલી તમામ ચેન્જ ઓફ સાઇટની વિસ્તૃત તપાસ કરીને વિગતવાર રિપોર્ટ રજૂ કરવાનો આદેશ પણ આપવામાં આવ્યો છે. અત્યાર સુધીમાં ૨૮ જગ્યાઓ પર ગંભીર અનિયમિતતાઓ સામે આવી છે, અને તેની તપાસ હાલ પ્રગતિમાં છે.
શહેરના નાગરિકોમાં હવે એક જ સવાલ છે આ હો‹ડગ્સ પાછળ છુપાયેલા ‘પાવર પ્લે’ માટે જવાબદારી કોની? તપાસ ક્્યાં સુધી પહોંચશે અને દોષિતો સામે ખરેખર કાર્યવાહી થશે કે નહીં, તે આવનારો સમય બતાવશે.
