અમદાવાદના એસ.પી. રિંગ રોડ પર ભારે અને બેફામ દોડતા વાહનો જાણે વાહનચાલકો માટે યમદૂત સમાન સાબિત થઈ રહ્યા છે. અમદાવાદના હાથીજણથી વ†ાલ રિંગ રોડ પર એપોલો ટાયર્સની બિલકુલ સામે એક અત્યંત ગમખ્વાર અને હૃદયકંપાવનારો અકસ્માત સર્જાયો છે.એક બેફામ ગતિએ આવી રહેલા ડમ્પર ચાલકે આગળ જઈ રહેલા એÂક્ટવા સ્કૂટરને જારદાર અડફેટે લીધું હતું. આ ભયાનક ટક્કર એટલી જારદાર હતી કે અક્ટિવા પર સવાર માસૂમ બાળક રોડ પર પટકાતાં તેનું ઘટનાસ્થળે જ કાળજું કંપાવી દે તેવું કરુણ મોત નીપજ્યું હતું.
આ ભયાનક અકસ્માતમાં અક્ટિવા ચલાવી રહેલાં માતાને પણ શરીરે ગંભીર ઈજાઓ પહોંચી હતી. લોહીલુહાણ હાલતમાં માતાને તાત્કાલિક ધોરણે નજીકની હોÂસ્પટલમાં સારવાર માટે ખસેડવામાં આવ્યા છે, જ્યાં તેમની સ્થિતિ અત્યંત નાજુક હોવાનું જાણવા મળી રહ્યું છે. અકસ્માત સર્જાયા બાદ ઘટનાસ્થળે લોકોની ભારે ભીડ એકઠી થઈ ગઈ હતી. કાયદાના ડરથી ડમ્પર ચાલક પોતાનું વાહન ઘટનાસ્થળ પર જ મૂકીને પગપાળા ભાગવા લાગ્યો હતો. ત્યાં હાજર સ્થાનિક લોકોએ માનવતા દાખવીને કાળમુખા ચાલકનો પીછો કર્યો હતો, પરંતુ તે ચાલાકીપૂર્વક રોડની સાઈડમાં આવેલી ગીચ ઝાડીઓમાં છૂપાઈને ભાગી છૂટવામાં સફળ રહ્યો હતો.
આ કરુણ ઘટનાની જાણ થતાં જ બાળકના પરિજનો અને સંબંધીઓ આક્રંદ કરતાં કરતાં ઘટનાસ્થળે દોડી આવ્યા હતા. પરિવારના એકના એક માસૂમ દીકરાનો મૃતદેહ જાઈને પરિવારોના આક્રંદથી વાતાવરણ ગમગીન બની ગયું હતું. અકસ્માતના પગલે રિંગ રોડના વ્યસ્ત માર્ગ પર ભારે ટ્રાફિક વ્યવસ્થા ખોરવાઈ ગઈ હતી અને વાહનોની લાંબી કતારો લાગી હતી.ઘટનાની માહિતી મળતાની સાથે જ સ્થાનિક પોલીસનો કાફલો ઘટનાસ્થળે દોડી આવ્યો હતો. પોલીસે સૌથી પહેલાં મૃતક બાળકના શબને પોસ્ટમોર્ટમ માટે હોસ્પિટલ મોકલી આપ્યું હતું અને ક્રેનની મદદથી વાહનો બાજુ પર કરાવી ટ્રાફિક હળવો કર્યો હતો. પોલીસે અકસ્માતનો ગુનો નોંધીને ડમ્પર જપ્ત કર્યું છે અને ફરાર થઈ ગયેલા ડમ્પર ચાલકની સઘન શોધખોળ હાથ ધરી છે.
