એસઓજી ક્રાઇમ બ્રાન્ચની તપાસ દરમિયાન કોડીનયુક્ત કફ સિરપના જથ્થા સાથે જોડાયેલું નેટવર્ક સામે આવ્યું હોવાનો પોલીસનો દાવો છે. તપાસમાં પ્રામા હેલ્થકેરનું નામ સામે આવતા તેના ડ્રગ્સ લાયસન્સને રદ કરાવવા માટેની કાર્યવાહી શરૂ કરવામાં આવી છે.
પોલીસના જણાવ્યા પ્રમાણે, આ મામલામાં કુલ ૫,૦૫૦ બોટલ કફ સિરપ મળી આવી છે. જપ્ત કરાયેલા મુદ્દામાલની કુલ કિંમત આશરે રૂ.૫૯ લાખ ૪૧ હજાર હોવાનું સામે આવ્યું છે. કફ સિરપના ગેરકાયદેસર જથ્થા મામલે એસઓજી ક્રાઇમ બ્રાન્ચે બે આરોપીઓને ઝડપી લીધા છે. આરોપીઓ કોડીનયુક્ત કફ સિરપના જથ્થા સાથે કેવી રીતે સંકળાયેલા હતા અને આ જથ્થો ક્યાં પહોંચાડવાનો હતો તે અંગે તપાસ હાથ ધરવામાં આવી રહી છે.
પોલીસ તપાસમાં કફ સિરપના જથ્થાની હેરફેર પાછળ અન્ય કોઈ વ્યક્તિ કે સંસ્થા સંકળાયેલી છે કે નહીં તે દિશામાં પણ તપાસ કરવામાં આવી રહી છે.પ્રામા હેલ્થકેર સામે એસઓજી ક્રાઇમ બ્રાન્ચે ડ્રગ્સ લાયસન્સ રદ કરાવવા માટેની કાર્યવાહી શરૂ કરી છે. કફ સિરપના જથ્થા અંગેની તપાસમાં સામે આવેલી વિગતોના આધારે સંબંધિત ડ્રગ્સ વિભાગને કાર્યવાહી માટે જાણ કરવામાં આવી હોવાનું જાણવા મળે છે.
હાલ સમગ્ર મામલે પોલીસ દ્વારા આરોપીઓની પૂછપરછ અને કફ સિરપના જથ્થાના સ્ત્રોત તથા તેના ગંતવ્ય અંગે તપાસ કરવામાં આવી રહી છે. તપાસ આગળ વધતાં આ કેસમાં વધુ ખુલાસા થવાની શકયતા છે.
આ સમગ્ર કાર્યવાહી દરમિયાન પોલીસ દ્વારા ૫,૦૫૦ બોટલ કફ સિરપ જપ્ત કરવામાં આવી છે. જપ્ત કરાયેલા મુદ્દામાલની કિંમત આશરે રૂ.૫૯.૪૧ લાખ હોવાનું પોલીસ દ્વારા જણાવાયું છે. કોડીનયુક્ત દવાના ગેરકાયદેસર ઉપયોગ અને હેરફેર સામે એસઓજીની કાર્યવાહીથી દવા ક્ષેત્રમાં પણ ચર્ચા શરૂ થઈ છે.
