સંસદના આગામી ચોમાસુ સત્રની શરૂઆત પહેલા લોકસભા સ્પીકર ઓમ બિરલા તૃણમૂલ કોંગ્રેસ (ટીએમસી) અને શિવસેના (યુબીટી) માં બળવાના કેસ પર મોટો નિર્ણય લેશે. બંને પક્ષોએ પક્ષપલટા વિરોધી કાયદા હેઠળ તેમના બળવાખોર સાંસદોને ગેરલાયક ઠેરવવાની માંગ કરી છે. સંસદનું ચોમાસુ સત્ર ૨૦ જુલાઈથી શરૂ થશે અને ૧૩ ઓગસ્ટના રોજ સમાપ્ત થશે.
સૂત્રોના જણાવ્યા અનુસાર, લોકસભા સ્પીકરે ટીએમસી નેતા અભિષેક બેનર્જીના નેતૃત્વ હેઠળના પ્રતિનિધિમંડળ અને અલગ થયેલા જૂથના મંતવ્યો સાંભળ્યા છે. શિવસેના (યુબીટી) કેસમાં પણ આવી જ પ્રક્રિયા અનુસરવામાં આવી હતી. સૂત્રો એ પણ સૂચવે છે કે સંસદમાં કાનૂની અને બંધારણીય નિષ્ણાતો વચ્ચે ચર્ચા ચાલી રહી છે. કાયદેસર રીતે યોગ્ય નિર્ણય સુનિશ્ચિત કરવા માટે, નિષ્ણાત જૂથ સમાન કેસોમાં પ્રિસાઇડિંગ ઓફિસર્સ (સ્પીકર્સ) દ્વારા લેવામાં આવેલા અગાઉના નિર્ણયો અને દાખલાઓનો નજીકથી અભ્યાસ કરી રહ્યું છે. આ સૂચનોના આધારે, સ્પીકર ૨૦ જુલાઈ પહેલા પોતાનો અંતિમ નિર્ણય જાહેર કરશે.
તૃણમૂલ અને શિવસેના (યુબીટી) ના બળવાખોર જૂથો ઉપરાંત, દ્રવિડ મુનેત્ર કઝગમએ પણ કોંગ્રેસ પાસેથી અલગ બેઠક વ્યવસ્થાની વિનંતી કરી છે. કોંગ્રેસ પાર્ટીએ તમિલનાડુમાં તેના દાયકાઓ જૂના જાડાણને તોડી નાખ્યું છે અને મુખ્યમંત્રી સી. જાસેફ વિજયની પાર્ટી, તમિલનાડુ વેત્રી કઝગમ સાથે હાથ મિલાવ્યા છે.
૨૦૨૪ની લોકસભા ચૂંટણીમાં તૃણમૂલ કોંગ્રેસના ટિકિટ પર કુલ ૨૯ સાંસદો ચૂંટાયા હતા. આમાંથી ૨૦ સાંસદો પાર્ટી છોડીને પશ્ચિમ બંગાળના હાવડા સ્થિત રજિસ્ટર્ડ પરંતુ માન્યતા પ્રાપ્ત ન હોય તેવી પાર્ટી, નેશનલિસ્ટ સિટીઝન્સ પાર્ટી ઓફ ઈન્ડિયામાં જાડાયા છે અને અલગ બેઠક વ્યવસ્થાની માંગ કરી છે. બળવાખોર જૂથે મોદી સરકારને ટેકો વ્યક્ત કર્યો છે અને શાસક રાષ્ટ્રીય લોકશાહી જોડાણમાં જોડાવાની ઇચ્છા પણ વ્યક્ત કરી છે. તાજેતરમાં તૃણમૂલ કોંગ્રેસના એક સાંસદનું અવસાન થયું છે, અને તે બેઠક હાલમાં ખાલી છે.
શિવસેના (યુબીટી) ના કિસ્સામાં, પાર્ટીની ટિકિટ પર ચૂંટાયેલા નવ સાંસદોમાંથી છ સાંસદોએ મહારાષ્ટ્રના નાયબ મુખ્યમંત્રી એકનાથ શિંદેના નેતૃત્વ હેઠળ શિવસેનામાં જોડાવાનો પોતાનો ઈરાદો જાહેર કર્યો છે. તૃણમૂલ કોંગ્રેસના ૨૦ સાંસદોએ લોકસભા સ્પીકર સમક્ષ દલીલ કરી છે કે તેમના બળવાખોર સાંસદોને પક્ષપલટા વિરોધી કાયદા હેઠળ ગેરલાયક ઠેરવવા જાઈએ. બંને પક્ષો દલીલ કરે છે કે પક્ષપલટા વિરોધી કાયદા હેઠળ ગેરલાયક ઠરાવવાથી મુક્તિ ફક્ત ત્યારે જ મળે છે જા પક્ષના કુલ સભ્યપદના બે તૃતીયાંશ સભ્યો એકસાથે પક્ષપલટા કરે.
