અમરેલી જિલ્લા પંચાયતની આરોગ્ય શાખા, તાલુકા હેલ્થ ઓફિસર અને અર્બન હેલ્થ ઓફિસરના સંયુક્ત ઉપક્રમે આગામી ૨૮ જૂન ૨૦૨૬ ને રવિવારના રોજ સમગ્ર અમરેલી શહેરમાં ‘પલ્સ પોલિયો રસીકરણ અભિયાન’ યોજાશે. આ રાષ્ટ્રીય કાર્યક્રમ અંતર્ગત ૦ થી ૫ વર્ષ સુધીના તમામ બાળકોને પોલિયો વિરોધી રસીના બે ટીપાં પીવડાવવામાં આવશે. નાગરિકોની સગવડ માટે શહેરના વિવિધ વિસ્તારોમાં સવારના ૦૮ઃ૦૦ થી સાંજના ૦૫ઃ૦૦ વાગ્યા સુધી રસીકરણ બૂથ કાર્યરત રહેશે. આરોગ્ય શાખા દ્વારા તમામ વાલીઓને પોતાના બાળકોને નજીકના બૂથ પર લઈ જઈ રસી અચૂક અપાવવા અપીલ કરાઈ છે. રવિવારે બાકી રહી ગયેલા બાળકોને આગામી ૨૯ અને ૩૦ જૂનના રોજ આરોગ્ય કર્મચારીઓની ટીમ દ્વારા ‘ઘર-ઘર મુલાકાત’ લઈને સુરક્ષિત કરવામાં આવશે.
