ત્રણ રાજ્યોની વિધાનસભા ચૂંટણીમાં ભારતીય જનતા પાર્ટીના શાનદાર વિજયને વધાવવા માટે વડિયા અને કુંકાવાવ તાલુકા ભાજપ દ્વારા વિજય સરઘસ અને ફટાકડા ફોડીને ઉત્સાહભેર ઉજવણી કરવામાં આવી હતી. વડિયા બસ સ્ટેન્ડ પાસે સ્થિત સરદાર વલ્લભભાઈ પટેલની પ્રતિમા પાસે એકત્ર થયેલા કાર્યકરોએ ‘ભારત માતા કી જય’ અને ‘વંદે માતરમ’ના ગગનભેદી નારા લગાવ્યા હતા. આ પ્રસંગે શૈલેષ ઠુમ્મર, તુષાર ગણાત્રા અને અન્ય આગેવાનોએ એકબીજાનું મોઢું મીઠું કરાવીને જીતની ખુશી વ્યક્ત કરી હતી. કાર્યકરોએ આ જીતને પક્ષના નેતૃત્વ અને વિચારધારા પર જનતાના અતૂટ વિશ્વાસનું પરિણામ ગણાવ્યું હતું.
