એક દિવસની રાહત પછી, ભારતીય શેરબજારમાં ફરી નોંધપાત્ર ઘટાડો જોવા મળ્યો. શુક્રવારના ટ્રેડિંગ સત્ર દરમિયાન, બજારમાં ભારે વેચવાલી જાવા મળી અને સેન્સેક્સ લગભગ ૧,૧૦૦ પોઈન્ટ ઘટ્યો. આ ઘટાડાને કારણે રોકાણકારોને નોંધપાત્ર નુકસાન થયું, તેમની સંપત્તિમાં લાખો કરોડનો ઘટાડો થયો. નિફ્ટી પણ ૨૪,૫૦૦ ના મહત્વપૂર્ણ સ્તરથી નીચે સરકી ગયો. નિષ્ણાતોના મતે, વૈશ્વીક ચિંતાઓ, ક્રૂડ ઓઇલના વધતા ભાવ અને વિદેશી રોકાણકારો દ્વારા સતત વેચાણને કારણે બજારનું સેન્ટીમેન્ટ નબળું પડ્યું છે. ચાલો સમજીએ કે આજે શેરબજારમાં આટલો મોટો ઘટાડો કેમ થયો.
ટ્રેડિંગના અંતે,બીએસઇ સેન્સેક્સ ૧,૦૧૭.૩૭ પોઈન્ટ અથવા ૧.૨૭% ઘટીને ૭૮,૯૯૮.૫૩ પર બંધ થયો.એનએસઇ નિફ્ટી ૩૧૫.૪૫ પોઈન્ટ અથવા ૧.૨૭% ઘટીને ૨૪,૪૫૦.૪૫ પર બંધ થયો. મોટાભાગના ક્ષેત્રોના શેરોમાં વેચવાલી જાવા મળી, જાકે આઇટી મેટલ અને કન્ઝ્યુમર ડ્યુરેબલ્સ ક્ષેત્રોના કેટલાક શેરોમાં થોડો
વધારો જોવા મળ્યો.
શેરબજારમાં ઘટાડાનું સૌથી મોટું કારણ પશ્ચિમ એશિયામાં વધી રહેલો તણાવ માનવામાં આવે છે. અમેરિકા, ઇઝરાયલ અને ઈરાન વચ્ચે વધતા તણાવને કારણે વૈશ્વીક બજારોમાં અનિશ્ચિતતા વધી છે. રોકાણકારોને ડર છે કે જો આ પ્રદેશમાં પરિસ્થિતિ વધુ વણસે તો ઊર્જા પુરવઠા પર અસર પડી શકે છે, જેના કારણે ક્રૂડ ઓઇલના ભાવમાં વધુ વધારો થઈ શકે છે.
વિશ્વભરના બજારોમાંથી નબળા સંકેતોએ પણ ભારતીય બજાર પર દબાણ બનાવ્યું. એશિયન બજારોમાં પણ ઘટાડો થયો. દક્ષિણ કોરિયાનો કોસ્પી ઇન્ડેક્સ ૧% થી વધુ ઘટ્યો હતો, જ્યારે યુએસ શેરબજારો પણ પાછલા ટ્રેડિંગ સત્રમાં નુકસાન સાથે બંધ થયા હતા. આનાથી ભારતીય રોકાણકારોની ભાવના પર પણ અસર પડી હતી.
વિદેશી સંસ્થાકીય રોકાણકારો છેલ્લા કેટલાક દિવસોથી ભારતીય બજારમાંથી પૈસા ઉપાડી રહ્યા છે. ગુરુવારે, તેમણે આશરે ૩,૭૫૨ કરોડના શેર વેચ્યા હતા. માર્ચમાં અત્યાર સુધીમાં, એફઆઇઆઇએ આશરે ૧૬,૦૦૦ કરોડનું વેચાણ કર્યું છે. આનાથી બજાર પર દબાણ વધ્યું છે.
ક્રૂડ ઓઇલના ભાવમાં વધારો પણ બજાર માટે ચિંતાનો વિષય છે. બ્રેન્ટ ક્રૂડ ઓઇલના ભાવ લગભગ ૫% વધીને ૮૬ પ્રતિ બેરલ થયા, જે ૨૦ મહિનામાં તેમનો સૌથી વધુ સ્તર છે. તેલના ઊંચા ભાવ ફુગાવા અને અર્થતંત્ર પર દબાણ વધવાની આશંકા વધારે છે.
