છેલ્લા ત્રણ દિવસથી ચાલુ રહેલો સ્થાનિક શેરબજારમાં ઘટાડો ગુરુવારે સ્થગિત થયો. શેરબજાર તીવ્ર વધારા સાથે બંધ થયું. બીએસઈ સેન્સેક્સ ટ્રેડિંગ સત્રમાં ૩૯૭.૭૪ પોઈન્ટ અથવા ૦.૪૯ ટકાના વધારા સાથે ૮૨,૩૦૭.૩૭ પર બંધ થયો, જ્યારે નિફ્ટી ૧૩૨.૪૦ પોઈન્ટ અથવા ૦.૫૩ ટકા વધીને ૨૫,૨૮૯.૯૦ પર બંધ થયો. કુલ ૨,૮૦૩ શેર વધ્યા, ૧,૨૩૫ ઘટ્યા અને ૧૪૬ શેર યથાવત બંધ થયા. આ બજારની એકંદર મજબૂતાઈ દર્શાવે છે.
આ શેરોમાં સૌથી વધુ ઉછાળો જોવા મળ્યો. આજના નિફ્ટી ટ્રેડિંગ દરમિયાન, ડા. રેડ્ડીઝ લેબોરેટરીઝ, ભારત ઇલેક્ટ્રોનિક્સ, અદાણી પોર્ટ્સ, અદાણી એન્ટરપ્રાઇઝ અને ટાટા સ્ટીલના શેરમાં સૌથી વધુ ઉછાળો જોવા મળ્યો. તેનાથી વિપરીત, લાઇફ ઇન્શ્યોરન્સ, ઇટરનલ, આઇશર મોટર્સ, ટાઇટન કંપની અને જિયો ફાઇનાન્શીયલના શેર દબાણ હેઠળ રહ્યા અને નુકસાન સાથે બંધ થયા. ક્ષેત્રીય રીતે, રિયલ્ટી અને કન્ઝ્યુમર ડ્યુરેબલ્સ સિવાયના તમામ ક્ષેત્રો લીલા નિશાનમાં બંધ થયા. એફએમસીજી,આઇટી, મેટલ્સ, મીડિયા પીએસયુ બેંકો અને ફાર્મા ક્ષેત્રોમાં ૧ થી ૨ ટકાનો ઉછાળો જોવા મળ્યો. વ્યાપક બજારમાં પણ મજબૂતી જોવા મળી, જેમાં મ્જીઈ મિડકેપ અને સ્મોલકેપ સૂચકાંકો લગભગ ૧ ટકા વધ્યા.
