૧૮ ટીએમસી ધારાસભ્યો સીએમ સુવેન્દુની બેઠકમાં હાજર રહ્યા, યાદી જાહેર કરવામાં આવી છે ટીએમસી ચીફ મમતા બેનર્જીએ પણ મોટું પગલું ભર્યું છે. તેમણે પાર્ટીની તમામ સમિતિઓ અને સંગઠનને ભંગ કરી દીધું છે

પશ્ચિમ બંગાળ વિધાનસભા ચૂંટણીમાં હાર બાદ, તૃણમૂલ કોંગ્રેસ પાર્ટી વિભાજનના ભયનો સામનો કરી રહી છે. અહેવાલો અનુસાર, બંગાળ ચૂંટણીમાં હાર બાદ ટીએમસીમાં અભિષેક બેનર્જીનો વિરોધ ચાલુ રહ્યો છે. સોમવારે મમતા બેનર્જી દ્વારા પાર્ટીમાંથી હાંકી કાઢવામાં આવેલા બે ધારાસભ્યો હવે તેમના નેતૃત્વ હેઠળ નવી ટીએમસી પાર્ટી બનાવશે તેવી અટકળો ચાલી રહી છે. એવું કહેવામાં આવી રહ્યું છે કે બે હાંકી કાઢવામાં આવેલા ટીએમસી ધારાસભ્યોએ પોતાને વાસ્તવિક ટીએમસી જાહેર કરી છે અને તેમની સાથે ૫૦ થી વધુ ધારાસભ્યો હોવાનો દાવો કર્યો છે, અને વિરોધ પક્ષના નેતા પદ અને ચૂંટણી પ્રતીક માટે પણ દાવો કરી રહ્યા છે. દરમિયાન, મુખ્યમંત્રી સુવેન્દુ અધિકારીએ બુધવારે હાવડા અને દક્ષિણ ૨૪ પરગણા માટે વહીવટી બેઠક બોલાવી હતી, જેમાં ૧૮ તૃણમૂલ ધારાસભ્યોએ ભાગ લીધો હતો.
મુખ્યમંત્રી સુવેન્દુ અધિકારી દ્વારા બોલાવવામાં આવેલી કોલકાતા, હાવડા અને દક્ષિણ ૨૪ પરગણાની વહીવટી બેઠકોમાં અત્યાર સુધી હાજરી આપનારા તૃણમૂલ ધારાસભ્યોની યાદી બહાર પાડવામાં આવી છે.જેમાં ૧) જાવેદ ખાન,૨) ફિરહાદ હકીમ,૩) નયના દાસ બેનર્જી,૪) કુણાલ ઘોષ,૫) ઋતબ્રતા બેનર્જી,૬) સંદીપન સાહા,૭) અશોક દેવ,૮) અરુણાભા સેન,૯) સમીર પંજા,૧૦) પ્રિયા પાલ,૧૧) ગુલશન મલ્લીક,૧૨) તાપસ મૈતી,૧૩) નીલિમા મિસ્ત્રી,૧૪) અબ્દુલ ખાલેક મોલ્લા,૧૫) બહારુલ ઇસ્લામ,૧૬) પરેશરામ દાસ,૧૭) જયદેવ હલદર,૧૮) સમીર જાના
બીજી તરફ ટીએમસી ચીફ મમતા બેનર્જીએ પણ મોટું પગલું ભર્યું છે. તેમણે પાર્ટીની તમામ સમિતિઓ અને સંગઠનને ભંગ કરી દીધું છે. ટીએમસીએ એક સત્તાવાર નિવેદન જારી કરીને કહ્યું, “ઘણી ચર્ચા-વિચારણા પછી, એવું નક્કી કરવામાં આવ્યું છે કે પશ્ચિમ બંગાળમાં તૃણમૂલ કોંગ્રેસ અને તેના સહયોગીઓની બધી સમિતિઓને તાત્કાલિક અસરથી વિસર્જન કરવામાં આવશે. પાર્ટી દરેક સ્તરે વ્યાપક આત્મનિરીક્ષણ, કામગીરી સમીક્ષા અને સંગઠનાત્મક મૂલ્યાંકન કરશે. આ મૂલ્યાંકનના પરિણામોના આધારે, મૂળ સંગઠન અને તમામ સહયોગીઓનું સંગઠનાત્મક માળખું યોગ્ય સમયે પુનર્ગઠન અને જાહેરાત કરવામાં આવશે. પાર્ટી તેના સંગઠનને મજબૂત બનાવવા અને ભવિષ્યના પડકારોનો નવી જાશ અને દૃઢતા સાથે સામનો કરવા માટે પ્રતિબદ્ધ છે.”
અહેવાલો અનુસાર, તૃણમૂલ કોંગ્રેસના હાંકી કાઢવામાં આવેલા ધારાસભ્યો ઋતબ્રત બેનર્જી અને સંદીપન સાહાએ ૫૦ ટીએમસી ધારાસભ્યો સાથે ગુપ્ત બેઠક કરી હતી. દરમિયાન, પાર્ટીના ભૂતપૂર્વ નેતા રિજુ દત્તાએ દાવો કર્યો હતો કે બે તૃતીયાંશ ધારાસભ્યોએ પાર્ટી છોડવાનો નિર્ણય લીધો છે. રિજુ દત્તાએ એવો પણ દાવો કર્યો હતો કે ટીએમસીનો બંગાળમાં મહારાષ્ટÙમાં શિવસેના જેવો જ ભાગ્યનો સામનો કરવો પડશે. દરમિયાન, મંત્રી તાપસ રોયે ટીએમસીમાં વિભાજનની અટકળોને પુષ્ટિ આપી છે