રણબીર કપૂર ફિલ્મ “રામાયણ” માં ભગવાન રામની ભૂમિકા ભજવે છે. નિતેશ તિવારી દિગ્દર્શિત આ ફિલ્મ માટે તાજેતરમાં ભારતમાં એક ભવ્ય ટ્રેલર લોન્ચ ઇવેન્ટ યોજાઈ હતી. ગઈકાલે, ગુરુવારે, યુએસમાં સાન ડિએગો કોમિક-કોન ખાતે એક કાર્યક્રમ યોજાયો હતો, જ્યાં રણબીર કપૂર અને સુપરસ્ટાર યશ હાજર રહ્યા હતા. આ દરમિયાન રણબીર કપૂરે કહ્યું કે તે તેની પુત્રી રિયાને આ ફિલ્મ બતાવવા માટે ખૂબ જ ઉત્સાહિત છે.
રણબીર કપૂરે કોમિક-કોન ફિલ્મમાં ડેબ્યૂ કર્યું. તે ‘રામાયણ’ના ભવ્ય લોન્ચ માટે બોલરૂમ ૨૦ ના ભવ્ય સ્ટેજ પર યશ, દિગ્દર્શક નિતેશ તિવારી અને નિર્માતા નમિત મલ્હોત્રા સાથે જોડાયો હતો. એક કલાક ચાલેલી પ્રસ્તુતિ દરમિયાન, સ્ટાર્સે તેમની ફિલ્મ વિશે વાત કરી અને તેમના પાત્રો વિશે ખુલીને વાત કરી. ચાહકો સાથેની વાતચીત દરમિયાન, રણબીરે ફિલ્મની રિલીઝ અંગે પોતાનો ઉત્સાહ વ્યક્ત કર્યો. તેણે કહ્યું કે તે તેની પુત્રી રિયા કપૂરને કારણે પણ આ ફિલ્મ વિશે ખૂબ જ ઉત્સાહિત છે.
રણબીર કપૂરે ફિલ્મ ‘રામાયણ’ વિશે વાત કરી અને કહ્યું કે તે તેની પુત્રી રાહા કપૂરને તે જોવા માટે આતુર છે. આ રાહાની મોટા પડદા પરની પહેલી ફિલ્મ હશે. આ કાર્યક્રમમાં રણબીરને બાળકોને તેમના ધર્મ અને સંસ્કૃતિ વિશે શીખવવા માટે ફિલ્મ જોવા લઈ જવા વિશે પૂછવામાં આવ્યું. અભિનેતાએ સ્વીકાર્યું કે તે ચાહક જેટલો જ ઉત્સાહિત છે. તેમણે કહ્યું, “હું મારી દીકરીને આ ફિલ્મ જોવા માટે લઈ જવા માટે ખૂબ જ ઉત્સાહિત છું. મોટા પડદા પર આ તેની પહેલી ફિલ્મ હશે.”
પુરસ્કાર વિજેતા ફહ્લદ્ભ સ્ટુડિયો ડીએનઇજીએ ભારતીય ફિલ્મ ઇતિહાસનો સૌથી મોટો સિનેમેટિક પ્રોજેક્ટ અને વિશ્વના સૌથી જૂના અને યાદગાર મહાકાવ્યોમાંનો એક ‘રામાયણ’નો અદભુત પ્રથમ દેખાવ રજૂ કર્યો છે. ‘રામાયણ’માં સાઈ પલ્લવી માતા સીતાની ભૂમિકા ભજવતી જોવા મળશે, યશ રાવણની ભૂમિકા ભજવતા જોવા મળશે, સની દેઓલ હનુમાનની ભૂમિકા ભજવતા જોવા મળશે, અને રવિ દુબે લક્ષ્મણની ભૂમિકા ભજવતા જોવા મળશે. ફિલ્મનું સંગીત હંસ ઝિમર અને એ.આર. રહેમાને આપ્યું છે.
રણબીર કપૂરે પણ કાર્યક્રમમાં યશની પ્રશંસા કરી. તેમણે કહ્યું, “હું યશને ઘણા સમયથી ઓળખું છું અને તેના કામનો ખૂબ મોટો ચાહક છું. રાવણની ભૂમિકા માટે એક મજબૂત વ્યક્તિત્વ અને સ્ટારડમ ધરાવતા અભિનેતાની જરૂર હતી. યશ આ બધા પાસાઓમાં આગળ છે.”
