સાવરકુંડલામાં નૂતન કેળવણી મંડળ દ્વારા સંચાલિત વી.ડી. ઘેલાણી મહિલા આટ્ર્સ કોલેજમાં ભીંતચિત્ર સ્પર્ધાનું આયોજન કરવામાં આવ્યું હતું. ગુજરાત સરકાર દ્વારા આયોજિત વિકાસ સપ્તાહ અંતર્ગત ભીંતચિત્ર કલાને પ્રોત્સાહિત કરવા માટે આ ચિત્ર સ્પર્ધાનું આયોજન થયું હતું. ૩ ઓક્ટોબરના રોજ આ સ્પર્ધા યોજવામાં આવી હતી, જેમાં વિદ્યાર્થિનીઓએ ઉત્સાહભેર ભાગ લીધો હતો. આ સ્પર્ધામાં પ્રથમ નંબરે નગવાડિયા દિવ્યા, દ્વિતીય નંબરે ચૌહાણ જીજ્ઞા અને તૃતીય નંબરે ગોંડલીયા ધારા તથા ચુડાસમા દિવ્યાએ ઈનામો મેળવ્યા હતા. સમગ્ર કાર્યક્રમનું આયોજન ડા. પ્રતિમા એમ. શુક્લએ કર્યું હતું. ઇન્ચાર્જ પ્રિન્સિપાલ ડી.એલ. ચાવડાનું માર્ગદર્શન મળ્યું હતું, તથા સમગ્ર સ્ટાફનો સહયોગ પ્રાપ્ત થયો હતો.
