સંરક્ષણ મંત્રી રાજનાથ સિંહે રવિવારે કહ્યું કે ભારત વૈશ્વિક જહાજ નિર્માણ હબ બનવા માટે સક્ષમ છે. તેમણે કોલકાતામાં ગાર્ડન રીચ શિપબિલ્ડર્સ એન્ડ એન્જિનિયર્સ અને યંત્ર ઈન્ડિયા લિમિટેડના પાંચ વિસ્તરણ પ્રોજેક્ટ્સનો શિલાન્યાસ કર્યો. આ પ્રસંગે પશ્ચિમ બંગાળના મુખ્યમંત્રી સુવેન્દુ અધિકારી પણ હાજર હતા.રાજનાથ સિંહે જણાવ્યું હતું કે પશ્ચિમ બંગાળમાં આશરે ૩,૫૦૦ કરોડના પાંચ પ્રોજેક્ટ્સનો શિલાન્યાસ કરવામાં આવ્યો છે. તેમણે કહ્યું, “ભારતમાં વૈશ્વિક શિપબિલ્ડિંગ હબ બનવાની ક્ષમતા છે. વૈશ્વિક શિપબિલ્ડિંગ ઉદ્યોગમાં એક ખાલી જગ્યા સર્જાઈ રહી છે, અને ભારત આ તકનો લાભ લઈ શકે છે.” આ પ્રોજેક્ટ્સમાં ના ત્રણ અને યંત્ર ઇન્ડિયાના બે પ્રોજેક્ટ્સનો સમાવેશ થાય છે.
સંરક્ષણ પ્રધાને કહ્યું કે પશ્ચિમ બંગાળ સરકાર વિકાસના નવા પુનરુત્થાનની શરૂઆત કરવા માટે પગલાં લેશે. તેમણે કહ્યું, “પશ્ચિમ બંગાળમાં ફેક્ટરી બંધ થવાના અને લોકડાઉનના સમાચાર હવે નવા પ્રોજેક્ટ્સના લોન્ચિંગના સમાચાર દ્વારા બદલવામાં આવ્યા છે.”રાજનાથ સિંહે કહ્યું, “આપણી વિચારસરણી હવે ભારતને દુનિયા પાસેથી શું ખરીદવાની જરૂર છે તે વિશે ન હોવી જાઈએ. તેના બદલે, આપણે દુનિયાને શું આપી શકીએ છીએ તેના પર ધ્યાન કેન્દ્રિત કરવું જાઈએ. તમે પહેલાથી જ બે વખત જહાજાની નિકાસ કરી છે, અને ઘણા મિત્ર દેશો તેમની નૌકાદળની જહાજની જરૂરિયાતો માટે ભારત તરફ જાઈ રહ્યા છે. આપણે આ તક ગુમાવવી જાઈએ નહીં.”
તેમણે કહ્યું, “આપણું લક્ષ્ય એવી ગુણવત્તા પ્રાપ્ત કરવાનું હોવું જાઈએ જેના પર વિશ્વ વિશ્વાસ કરે. એવી ગુણવત્તા જે વિશ્વાસ પ્રેરે, એવી કિંમતો જે વિશ્વને અમને પસંદ કરવા માટે પ્રોત્સાહિત કરે, અને ડિલિવરી ધોરણો જે ગ્રાહકોને વારંવાર ઓર્ડર આપવા માટે પ્રોત્સાહિત કરે.”જીઆરએસઇના એક અધિકારીએ જણાવ્યું કે ક્ષમતા વિસ્તરણના ભાગ રૂપે, કંપનીએ હુગલી નદીના બંને કાંઠે બે નાના શિપયાર્ડ માટે શ્યામા પ્રસાદ મુખર્જી બંદર, કોલકાતા સાથે લીઝ કરાર પર હસ્તાક્ષર કર્યા છે. આ ઉપરાંત, રાયચકમાં નદી કિનારે ૩૨ એકર જમીન પણ સંપાદિત કરવામાં આવી છે. તેમણે કહ્યું કે આ પ્રોજેક્ટ્સ યુદ્ધ જહાજાના નિર્માણ અને સમારકામ માટે ક્ષમતા વધારવામાં મદદ કરશે.”આ પ્રોજેક્ટ્સ જીઆરએસઇની ક્ષમતાઓને મજબૂત બનાવશે અને રોજગારની તકો ઉભી કરીને અને સહાયક ઉદ્યોગો, ખાસ કરીને માટે તકોનો વિસ્તાર કરીને પશ્ચિમ બંગાળના ઔદ્યોગિક ક્ષેત્રને પુનર્જીવિત કરવામાં મદદ કરશે,” અધિકારીએ જણાવ્યું.
