લાઠી વિસ્તારના ક્રિકેટપ્રેમીઓ માટે સ્થાનિક ઉદ્યોગપતિ મનજીભાઈ ધોળકિયા દ્વારા આયોજિત ‘લાઠી પ્રીમિયર લીગ સિઝન-૧’ ની ભવ્ય ફાઇનલ મેચ ભારે ઉત્સાહ અને રોમાંચક માહોલ વચ્ચે યોજાઈ હતી. આ પ્રતિષ્ઠિત ટૂર્નામેન્ટની આકર્ષક ટ્રોફી ઘનશ્યામભાઈ શંકર તરફથી એનાયત કરવામાં આવી હતી. સમગ્ર ટૂર્નામેન્ટ દરમિયાન પ્રભાવશાળી અને ઉત્તમ પ્રદર્શન કરનાર બિલેશ્વર ઈલેવનની ટીમે ફાઈનલ મેચમાં પણ શાનદાર જીત મેળવીને ચેમ્પિયનનો ખિતાબ પોતાના નામે કર્યો હતો. આ રોમાંચક ફાઈનલ મેચના ખાસ પ્રસંગે ચેતનભાઇ જમોડ, ભરતભાઈ ડેર, કેતનભાઇ રામાણી અને ઇમરાન ભાઈ સેતા મુખ્ય અતિથિ તરીકે વિશેષ ઉપસ્થિત રહ્યા હતા. તેમણે વિજેતા ટીમને ટ્રોફી એનાયત કરી હતી અને સાથે જ ટૂર્નામેન્ટમાં ભાગ લેનારી તમામ ટીમોને હાર્દિક અભિનંદન પાઠવ્યા હતા. લાઠી પ્રીમિયર લીગની આ અંતિમ મેચ નિહાળવા માટે સ્થાનિક વિસ્તારમાંથી ખૂબ મોટી સંખ્યામાં ક્રિકેટપ્રેમીઓ ઉપસ્થિત રહ્યા હતા અને ખેલાડીઓનો ઉત્સાહ વધાર્યો હતો.
