રાજ્યમાં મંદિરોમાં ચોરીની ઘટના દિનપ્રતિદિન વધી રહી છે. લૂંટારૂઓ બેફામ મંદિરમાંથી સોના-ચાંદીના દાગીના અને દાનપેટી ચોરી કાયદાને પડકાર આપી રહ્યા છે. ત્યારે અમદાવાદના કૃષ્ણનગર વિસ્તારમાં આવેલા મહાસુખનગર જૈન દેરાસરમાથી ભગવાન શ્રી વાસુપૂજ્ય સ્વામીની મૂર્તિનું આશરે ૯ કિલો વજનનું ચાંદીનું ખોખું ચોરી થવાની ઘટના સામે આવી છે. દેરાસરમાં છેલ્લા ૮ વર્ષથી પૂજારી તરીકે કામ કરતા મૂળ સાબરકાંઠાના અÂશ્વન સોલંકી સામે ચોરીની શંકા વ્યક્ત કરીને દેરાસરના પ્રમુખે કૃષ્ણનગર પોલીસ સ્ટેશનમાં રૂ. ૪ લાખની ચોરીની ફરિયાદ નોંધાવી છે.
મળતી માહિતી પ્રમાણે, કૃષ્ણનગરમાં રહેતા ૬૩ વર્ષીય કનુભાઈ શાહ છેલ્લા ૯ વર્ષથી મહાસુખનગર Âસ્થત જૈન દેરાસરમાં પ્રમુખ તરીકે વહીવટી કામ અને દેખરેખની સેવા આપે છે. દેરાસરમાં પૂજા-પાઠ, ભગવાનના આભૂષણ તથા વ†ો પહેરાવવા અને સાફ-સફાઈ માટે ટ્રસ્ટ દ્વારા ૮ વર્ષ પહેલાં સાબરકાંઠા જિલ્લાના વિજયનગર તાલુકાના ડગલા ગામના રહેવાસી અÂશ્વન સોલંકીને પૂજારી તરીકે નોકરી પર રાખવામાં આવ્યા હતા.૨૭ સપ્ટેમ્બર ૨૦૨૬ના રોજ જૈન સમાજના પર્યુષણ મહોત્સવ દરમિયાન ટ્રસ્ટ દ્વારા ૧૫ વર્ષ પહેલાં રૂ. ૪ લાખની કિંમતે બનાવવામાં આવેલું આશરે ૯ કિલો ચાંદીનું ખોખું ભગવાન વાસુપૂજ્ય સ્વામીની મૂર્તિને પહેરાવેલું જાવા મળ્યું હતું. ત્યારબાદ ૧૭ નવેમ્બર ૨૦૨૬ના રોજ પ્રમુખ કનુભાઈ શાહ દેરાસરમાં ગયા ત્યારે મૂર્તિ પર ચાંદીનું ખોખું જાવા મળ્યું ન હતું.
આ અંગે દેરાસરના અન્ય કારોબારી સભ્યોને પૂછપરછ કરતા જાણવા મળ્યું હતું કે, ઘણા સમયથી ભગવાનને ચાંદીનું ખોખું પહેરાવવામાં આવતું ન હતું. બીજી તરફ, દેરાસરના પૂજારી અશ્વિન સોલંકી ૨ નવેમ્બર ૨૦૨૬થી નોકરી છોડીને જતા રહ્યા હતા. જેથી ૨૭ સપ્ટેમ્બરથી ૧૭ નવેમ્બર ૨૦૨૬ના સમયગાળા દરમિયાન પૂજારી અશ્વિન સોલંકી જ આ ચાંદીનું ખોખું ચોરી કરીને લઈ ગયા હોવાની પ્રબળ શંકાના આધારે કનુભાઈ શાહે કૃષ્ણનગર પોલીસ સ્ટેશનમાં ફરિયાદ નોંધાવતા પોલીસે ગુનો નોંધી તપાસ શરૂ કરી છે.






































