પશ્ચિમ બંગાળના ભૂતપૂર્વ મુખ્યમંત્રી મમતા બેનર્જીને વધુ એક ઝટકો લાગ્યો છે. તેમના નજીકના સહયોગી ચંદ્રિમા ભટ્ટાચાર્યએ તૃણમૂલ કોંગ્રેસના પ્રદેશ પ્રમુખ પદેથી રાજીનામું આપી દીધું છે. વધુમાં, ચંદ્રિમાના તમામ પદો પરથી રાજીનામું આપી દીધું છે અને મમતા બેનર્જીને પોતાનું રાજીનામું મોકલી દીધું છે.
મમતા બેનર્જીના નજીકના વિશ્વાસુ ચંદ્રિમા ભટ્ટાચાર્યએ પણ મમતા બેનર્જીનો પક્ષ છોડી દીધો છે. ચંદ્રિમા ભટ્ટાચાર્યએ તૃણમૂલ કોંગ્રેસના પ્રદેશ પ્રમુખ પદેથી રાજીનામું આપી દીધું છે. આ રાજીનામું પદ સંભાળ્યાના એક મહિના કરતાં પણ ઓછા સમયમાં આવ્યું છે. ગયા મહિનાની ૩ તારીખે, મમતા બેનર્જીએ ચંદ્રિમા ભટ્ટાચાર્યને તૃણમૂલ કોંગ્રેસના પ્રદેશ પ્રમુખ તરીકે નિયુક્ત કર્યા હતા.
ચંદ્રિમા ભટ્ટાચાર્ય પશ્ચિમ બંગાળમાં ટીએમસી સરકારમાં મંત્રી તરીકે સેવા આપી હતી અને તેમને મમતાના સૌથી વિશ્વસનીય અને નજીકના સહાયકોમાંના એક માનવામાં આવે છે. તેમણે મમતા સરકારમાં નાણાં, આરોગ્ય અને પરિવાર કલ્યાણ, જમીન સુધારણા અને શરણાર્થીઓ અને પુનર્વસન રાજ્યમંત્રીના પદ સંભાળ્યા હતા. ભટ્ટાચાર્ય એક તીક્ષ્ણ નેતા છે અને કાયદાનો અભ્યાસ પણ કર્યો છે.
એવા સમયે જ્યારે મમતા બેનર્જી ચારે બાજુથી રાજકીય દબાણનો સામનો કરી રહ્યા છે, ત્યારે ચંદ્રિમાનું વિદાય તેમના માટે ચિંતાજનક છે. પક્ષના અગ્રણી વ્યક્તિઓ મમતા બેનર્જી અને તેમના ભત્રીજાને છોડીને બળવાખોર જૂથમાં જાડાઈ રહ્યા છે. મમતા બેનર્જી આ રાજકીય તોફાનથી પોતાને અને તેમના પક્ષને કેવી રીતે બચાવી શકે છે તે જાવાનું બાકી છે.પશ્ચિમ બંગાળમાં તાજેતરની વિધાનસભા ચૂંટણીમાં તૃણમૂલ કોંગ્રેસ હારી ગયા બાદ, મમતા બેનર્જી અને તેમના ભત્રીજા અભિષેક બેનર્જીએ વધતી જતી મુશ્કેલીઓનો સામનો કરવો પડ્યો છે. મમતા બેનર્જીના પક્ષમાં નેતાઓ એક પછી એક તેમનો ત્યાગ કરી રહ્યા છે, અને ટીએમસીમાં તીવ્ર જૂથવાદ વધી રહ્યો છે. એક સમયે મમતાની નજીક ગણાતા ચંદ્રિમા ભટ્ટાચાર્યે હવે છોડવાનો નિર્ણય લીધો છે, જે તેમના માટે મોટો ફટકો સાબિત થશે.ચંદ્રિમા પહેલા, ૨૦ ટીએમસી સાંસદો પહેલાથી જ બળવો કરી ચૂક્્યા છે, અને આ બળવાખોર જૂથે નેશનલ સિટીઝન્સ પાર્ટી ઓફ ઈન્ડિયામાં ભળી જવાની વાત કરી હતી.
