સંયુક્ત રાષ્ટ્ર સુરક્ષા પરિષદ (યુએનએસસી) માં કાયમી સભ્યપદ માટે ભારતની દાવેદારીને ચાર યુરોપિયન દેશોનો ટેકો મળ્યો છે. પોલેન્ડ, હંગેરી, સ્લોવાકિયા અને ચેક રિપબ્લિક, જેમાં વિસેગ્રાડ ગ્રુપ (વી ૪)નો સમાવેશ થાય છે, તેમણે યુએનએસસીના કાયમી સભ્ય તરીકે ભારતની ઉમેદવારીને ટેકો આપ્યો છે. સ્લોવાકિયાના વિદેશ મંત્રી જુરાજ બ્લાનરે જણાવ્યું હતું કે ભારત યુએનના સૌથી મહત્વપૂર્ણ નિર્ણય લેવાના મંચનું કાયમી સભ્ય હોવું જોઈએ. વિદેશ મંત્રી એસ. જયશંકરે પણ યુએનજીએમાં એક શક્તિશાળી ભાષણ આપ્યું હતું.
ન્યૂ યોર્કમાં સંયુક્ત રાષ્ટ્ર મહાસભાના ૮૧મા સત્રની બાજુમાં યોજાયેલી પ્રથમ વી૪+ભારત વિદેશ મંત્રીઓની બેઠક બાદ આ નિવેદન બહાર આવ્યું. આ બેઠકમાં ચાર ફ૪ દેશોના વિદેશ મંત્રીઓ વિદેશ મંત્રી એસ. જયશંકર સાથે જાડાયા હતા. બેઠક બાદ મીડિયા સાથે વાત કરતા, સ્લોવાકના વિદેશ મંત્રી જુરાજ બ્લાનરે ભારતની કાયમી સભ્યપદને ટેકો આપતા કહ્યું,
“આપણે બધા વી ૪ દેશો સંમત છીએ કે ભારત, ગ્લોબલ સાઉથમાંથી એક દેશ અને ઈન્ડો-પેસિફિક ક્ષેત્રમાં ઉભરતી શક્તિ તરીકે, યુએન સુરક્ષા પરિષદના કાયમી સભ્ય તરીકે ટેબલ પર હોવું જાઈએ.” વી ૪ માં પોલેન્ડ, હંગેરી, સ્લોવાકિયા અને ચેક રિપબ્લિકનો સમાવેશ થાય છે. વર્તમાન બેઠકની અધ્યક્ષતા સ્લોવાકિયાએ કરી હતી.
વિદેશ મંત્રાલયના જણાવ્યા અનુસાર, બેઠકમાં ભારત અને વી ૪ દેશો વચ્ચે સહયોગને વધુ મજબૂત કરવાના માર્ગો પર ચર્ચા કરવામાં આવી હતી. મંત્રીઓએ ભારત અને ચાર યુરોપિયન દેશો વચ્ચે પહેલાથી જ મજબૂત દ્વિપક્ષીય સંબંધો પર પણ પ્રકાશ પાડ્યો હતો. તેઓ વી ૪+ભારત ફોર્મેટને હાલના દ્વિપક્ષીય સંબંધોમાં એકીકૃત કરીને સહયોગને વધુ વેગ આપવા માટે પણ સંમત થયા હતા. બેઠકમાં ચર્ચા કરાયેલા મુદ્દાઓમાં વેપાર અને રોકાણ, ટેકનોલોજી અને નવીનતા, મજબૂત સપ્લાય ચેઈન, સંરક્ષણ અને સુરક્ષા, કનેકટીવિટી, શિક્ષણ, લોકો-થી-લોકોની ચળવળ અને પરસ્પર સંપર્કોનો સમાવેશ થાય છે.
ભારત અને વી ૪ દેશોના વ્યવસાયો, યુનિવર્સિટીઓ, સંશોધન સંસ્થાઓ અને અન્ય હિસ્સેદારો વચ્ચે સંપર્કો વધારવા પર પણ ચર્ચા કરવામાં આવી. વધુમાં, મંત્રીઓએ પ્રાદેશિક અને આંતરરાષ્ટ્રીય વિકાસ, શાંતિ અને સુરક્ષા, બહુપક્ષીય મંચો પર સહયોગ અને બહુપક્ષીય પ્રણાલીમાં સુધારા સહિત વૈશ્વિક મુદ્દાઓ પર પોતાના વિચારો શેર કર્યા. બેઠક દરમિયાન ગ્લોબલ સાઉથ સામેના વર્તમાન પડકારો પર પણ ચર્ચા કરવામાં આવી.
બેઠક બાદ, વિદેશ મંત્રી એસ. જયશંકરે સોશિયલ મીડિયા પ્લેટફોર્મ એકસ પર વી-૪ પ્લેસ ઇન્ડિયા ફોર્મેટ હેઠળ સહકારના ક્ષેત્રો શેર કર્યા. તેમણે જણાવ્યું કે બંને પક્ષો રાજકીય, આર્થિક, ટેકનોલોજીકલ, સંરક્ષણ, સાંસ્કૃતિક અને લોકો-થી-લોકોના સંપર્કોને મજબૂત બનાવવા સંમત થયા છે. જયશંકરના જણાવ્યા મુજબ, વિદેશ મંત્રીઓ વાર્ષિક ધોરણે મળશે અને આર્થિક સહયોગ વધારવા માટે વાર્ષિક વ્યાપાર મંચ શરૂ કરવામાં આવશે. વધુમાં, ટેકનોલોજી, નવીનતા, સંશોધન અને શિક્ષણમાં ભાગીદારી મજબૂત બનાવવામાં આવશે.
