કોંગ્રેસના સાંસદ અને લોકસભામાં વિરોધ પક્ષના નેતા રાહુલ ગાંધીને મંગળવારે બોમ્બે હાઈકોર્ટ તરફથી મોટો ઝટકો લાગ્યો. બોમ્બે હાઈકોર્ટે વડા પ્રધાન નરેન્દ્ર મોદી વિરુદ્ધની ટિપ્પણીઓ બદલ તેમના વિરુદ્ધ માનહાનિનો કેસ રદ કરવાનો ઇનકાર કર્યો હતો. ન્યાયાધીશ એન.આર. બોરકરે મંગળવારે રાહુલ ગાંધી દ્વારા દાખલ કરાયેલી અરજી પર આદેશ આપ્યો હતો જેમાં સમન્સના આદેશને રદ કરવાની માંગ કરવામાં આવી હતી.
મંગળવારે બોમ્બે હાઈકોર્ટે વડા પ્રધાન નરેન્દ્ર મોદી વિરુદ્ધ કરેલી ટિપ્પણી બદલ તેમના વિરુદ્ધ દાખલ કરાયેલા માનહાનિના દાવાને પડકારતી વિપક્ષના નેતા રાહુલ ગાંધી દ્વારા દાખલ કરાયેલી અરજી ફગાવી દીધી હતી. જાકે, કોર્ટે તેમને મેજિસ્ટ્રેટ કોર્ટમાં હાજર રહેવાથી છ અઠવાડિયાની રાહત આપી હતી, જેનાથી તેમને સુપ્રીમ કોર્ટમાં નિર્ણયને પડકારવા માટે સમય મળ્યો હતો.
માહિતી અનુસાર, આ માનહાનિનો કેસ ભાજપના નેતા મહેશ શ્રીશ્રીમલ દ્વારા ગિરગાંવ મેજિસ્ટ્રેટ કોર્ટમાં દાખલ કરવામાં આવ્યો હતો. ફરિયાદીએ આરોપ લગાવ્યો હતો કે સપ્ટેમ્બર ૨૦૧૮ માં ગાંધીએ રાજસ્થાનમાં એક રેલી યોજી હતી અને વડા પ્રધાન નરેન્દ્ર મોદી વિરુદ્ધ માનહાનિભર્યા નિવેદનો આપ્યા હતા. આરોપ એ છે કે માનહાનિભર્યા નિવેદનોને કારણે કથિત રીતે પીએમ મોદીને વિવિધ ન્યૂઝ ચેનલો અને સોશિયલ મીડિયા પ્લેટફોર્મ પર ટ્રોલ કરવામાં આવ્યા હતા.
