અમરેલી તાલુકાના નાના ભંડારીયા ગામે ખેડૂતની વાડીને નિશાન બનાવી તસ્કરો ત્રણ ભેંસો ચોરી ગયા હોવાની ઘટના સામે આવી છે.નાના ભંડારીયા ગામે રહેતા અને ખેતીકામ કરતા જગદીશભાઈ ગોવિંદભાઈ ત્રાપસીયાની વાડીના ફળિયામાં બાંધેલી ભેંસોની ચોરી થઈ છે. ગત તા. ૧૬/૧૧/૨૦૨૬ ના રાત્રિના ૧૦ વાગ્યાથી તા. ૧૭/૧૧/૨૦૨૬ ના સવારના ૬ વાગ્યા દરમિયાન અજાણ્યા તસ્કરોએ વાડીમાં અપપ્રવેશ કર્યો હતો.તસ્કરો રૂ. ૧,૨૫,૦૦૦/- ની કિંમતની એક મોટી ભેંસ અને રૂ. ૬૦,૦૦૦/- ની કિંમતની બે નાની (ખડાયા) ભેંસો મળીને કુલ રૂ. ૨,૪૫,૦૦૦/- ની કિંમતના ત્રણ પશુઓ ચોરી ગયા છે. આ મામલે પોલીસે અજાણ્યા ચોર વિરુધ્ધ ગુનો નોંધી વધુ તપાસ હાથ ધરી છે.







































