દુબઈથી તેલ અવીવ જઈ રહેલી બોઇંગ ૭૩૭ એમએએકસ ૮ ફ્લાઇટ એફઝેડ ૧૦૭૩, વિમાન અચાનક આશરે ૧૪,૦૦૦ ફૂટ નીચે ઉતરી ગયા બાદ, તેને સાઉદી અરેબિયાના તાબુક તરફ વાળવામાં આવી હતી. એવો આરોપ છે કે કો-પાયલટે કોકપીટમાં પાઇલટ સ્મિત માછર પર હુમલો કર્યો અને વિમાનને ક્રેશ કરવાનો પ્રયાસ કર્યો. આશરે ૩૪,૦૦૦ ફૂટની ઊંચાઈએ બનેલી આ ઘટનાને કારણે વિમાન ઝડપથી નીચે ઉતર્યું, જેના કારણે હાઇજેક થવાની આશંકા હતી. ગંભીર રીતે ઘાયલ થયા હોવા છતાં, કેપ્ટન સ્મિત માછર અવિશ્વસનીય રહ્યા. તેમણે કોકપીટનો દરવાજા ખોલ્યો અને મદદ માટે બૂમ પાડી. ત્યારબાદ મુસાફરો અને ક્રૂએ હુમલાખોર પર કાબુ મેળવ્યો. વિમાનને સાઉદી અરેબિયાના તાબુક તરફ વાળવામાં આવ્યું, જ્યાં તે સુરક્ષિત રીતે ઉતર્યું. તેમાં ૧૭૪ લોકો સવાર હતા.
૩૯ વર્ષીય માછર પૂર્વ મુંબઈના ઘાટકોપર પૂર્વમાં એક વેપારી પરિવારમાં ઉછર્યા હતા. તેમણે એક મુલાકાતમાં જણાવ્યું હતું કે તેમણે શરૂઆતમાં ટેક્સટાઇલ એન્જિનિયરિંગ કોર્સમાં પ્રવેશ મેળવ્યો હતો અને પરિવારનો વ્યવસાય સંભાળવાની યોજના બનાવી હતી. જાકે, ત્યારબાદ તેમણે મુંબઈથી સ્પાઈસજેટ માટે ૧૧ વર્ષ સુધી ઉડાન ભરી, ૨૦૧૧ માં શરૂ કરીને નવેમ્બર ૨૦૨૦ માં લાઇન ટ્રેનિંગ કેપ્ટન બન્યા. આ ભૂમિકામાં, તેમણે અન્ય પાઇલટ્સને તાલીમ આપી અને તેનું મૂલ્યાંકન કર્યું.
સીએનએનના અહેવાલ મુજબ, તેઓ જૂન ૨૦૨૨ માં ફ્લાયદુબઈમાં જાડાવા માટે દુબઈ ગયા, જ્યાં તેઓ તેમના બે બાળકો સાથે રહે છે. ૨૦૨૫ ના પોડકાસ્ટમાં, તેમણે કામ અને ઘરને અલગ રાખવા વિશે વાત કરતા કહ્યું, “જ્યારે હું યુનિફોર્મ પહેરું છું, ત્યારે કોઈ બિનજરૂરી વાત થતી નથી, હું ફક્ત મારું કામ કરું છું.”
સ્મિતનો પરિવાર મૂળ ગુજરાતના અમરેલી જિલ્લાના સાવરકુંડલાનો છે, પરંતુ સ્મિતના જન્મ પહેલાં તેના પિતા ઘાટકોપર, મુંબઈ રહેવા ગયા હતા. સ્મિતનો જન્મ અને ઉછેર મુંબઈમાં થયો હતો. સ્મિતના સસરા, જયસુખ જાગી પણ ઘાટકોપર, મુંબઈમાં રહે છે. સ્મિતના માતાપિતા ઉપેન્દ્ર માછર અને ગીતા માછર છે. તેમનો પરિવાર સ્વસ્તી હાઇટ્સ, તિલક નગર, મુંબઈમાં રહે છે. સ્મિતના પિતા વ્યવસાયમાં હતા. સ્મિતની પત્નીનું નામ સોનલ છે. સ્મિત અને સોનલને બે બાળકો છેઃ એક પુત્રી, જીવા, જે પાંચ વર્ષની છે, અને એક પુત્ર, ક્રિશ, જે બે વર્ષનો છે.
