ભારતીય શેરબજારમાં ૨૭ ઓગસ્ટના રોજ સતત બીજા ટ્રેડિંગ સત્રમાં ભારે વેચવાલી જોવા મળી. એક દિવસની વધઘટ પછી, બંને મુખ્ય સૂચકાંકો લાલ રંગમાં બંધ થયા. આજના ઘટાડામાં બેંકિંગ, ઓટો અને આઇટી શેરોએ મુખ્ય ભૂમિકા ભજવી, જેના પરિણામે રોકાણકારોને કરોડો રૂપિયાનું નુકસાન થયું.
ટ્રેડિંગના અંતે, બોમ્બે સ્ટોક એક્સચેન્જ પર ૩૦ શેરનો સેન્સેક્સ ૫૩૯.૩૫ પોઈન્ટ અથવા ૦.૭૦% ઘટીને ૭૬,૯૩૩.૫૯ પર બંધ થયો. નેશનલ સ્ટોક એક્સચેન્જનો નિફ્ટી ૫૦ પણ ૧૧૬.૯૦ પોઈન્ટ (૦.૪૮%) ઘટીને ૨૪,૦૯૦.૮૫ પર બંધ થયો. બજાર પહોળાઈ પણ નકારાત્મક હતી. બોમ્બે સ્ટોક એક્સચેન્જ પર વેચાણ દબાણનું પ્રમાણ એ હકીકત પરથી માપી શકાય છે કે કુલ ૨,૩૯૨ શેર નુકસાન સાથે બંધ થયા, જ્યારે ૧,૭૩૬ શેર વધ્યા અને ૧૬૭ યથાવત રહ્યા.
ઘટાડાનું નેતૃત્વ હિન્દાલ્કો ઇન્ડસ્ટ્રીઝ, એચડીએફસી બેંક (-૧.૭૫%), મહિન્દ્રા એન્ડ મહિન્દ્રા (૧.૬૫%), એચસીએલ ટેક્નોલોજીસ (-૦.૯૯%) અને શ્રીરામ ફાઇનાન્સ દ્વારા કરવામાં આવ્યું.એનટીપીસી (-૧.૫૮%), ઇન્ડીગો (-૧.૧૭%), એરટેલ (-૦.૮૬%), એસબીઆઇ (-૦.૭૫%),આઇટીસી (-૦.૭૪%), અને રિલાયન્સ (-૦.૭૩%) માં પણ દબાણ જાવા મળ્યું.
બજારમાં ઘટાડા છતાં, કોટક મહિન્દ્રા બેંક (+૧.૮૪%), અદાણી પોર્્.સ (+૧.૩૩%), ટેક મહિન્દ્રા (+૧.૨૭%),આઇસીઆઇસીઆઇ બેંક (+૧.૨૦%), એશિયન પેઇન્ટ્સ (+૦.૯૩%), ટાઇટન (+૦.૮૯%), ભારત ઇલેક્ટ્રોનિક્સ (બીઇએલ +૦.૭૭%), સન ફાર્મા (+૦.૫૬%), સિપ્લા અને અદાણી એન્ટરપ્રાઇઝમાં મજબૂત ખરીદી જાવા મળી.
કન્ઝ્યુમર ડ્યુરેબલ્સ અને ફાર્માસ્યુટિકલ સેક્ટર્સે આજના વેપારમાં બજારને મજબૂત બનાવવા માટે કેટલાક પ્રયાસો કર્યા, જે લગભગ ૧% ના વધારા સાથે બંધ થયા. બીજી તરફ, મીડિયા, મેટલ્સ, ઓઇલ અને ગેસ, પીએસયુ બેંકો, ઓટો અને સેક્ટર ૦.૪% થી ૦.૯% સુધીના નુકસાન સાથે બંધ થયા. મિડકેપ અને સ્મોલકેપ ઇન્ડેક્સ પણ વેચાણ દબાણથી બચી શક્યા નહીં અને થોડા ઘટાડા સાથે બંધ થયા. વિશ્લેષકો માને છે કે ભારતીય બજારમાં આ દબાણ વૈશ્વીક બજારના મિશ્ર સંકેતો અને મોટા શેરોમાં પ્રોફિટ બુકિંગને કારણે છે.
