સ્થાનિક શેરબજાર આજે થોડા વધારા સાથે લીલા રંગમાં બંધ થયું. અઠવાડિયાના પહેલા ટ્રેડિંગ સત્રમાં, બીએસઈ સેન્સેક્સ ૨૯૧.૧૭ પોઈન્ટ (૦.૩૮%) વધીને ૭૭,૦૯૪.૦૭ પર બંધ થયો. દરમિયાન,એનએસઈ નિફ્ટી ૫૦ ઇન્ડેક્સ આજે ૮૯.૮૦ પોઈન્ટ (૦.૩૭%) ના નાના વધારા સાથે ૨૪,૧૦૨.૯૦ પર બંધ થયો. એક સમયે સેન્સેક્સ ૭૭,૩૨૫.૫૬ પોઈન્ટ પર પહોંચ્યો હતો, જ્યારે નિફ્ટી પણ ૨૪,૧૬૮.૦૫ પોઈન્ટ પર પહોંચ્યો હતો. જાકે, બંને મુખ્ય સૂચકાંકો આ સ્તર જાળવી શક્યા ન હતા અને તેમનો પ્રારંભિક લાભ ગુમાવ્યો હતો.
સોમવારે, સેન્સેક્સની ૩૦ કંપનીઓમાંથી ૧૭ કંપનીઓના શેર વધારા સાથે લીલા રંગમાં બંધ થયા હતા, જ્યારે બાકીની ૧૩ કંપનીઓના શેર નુકસાન સાથે લાલ રંગમાં બંધ થયા હતા. બીજી તરફ, નિફ્ટી ૫૦ કંપનીઓમાંથી ૨૭ કંપનીઓના શેર વધારા સાથે લીલા રંગમાં બંધ થયા હતા, જ્યારે બાકીની ૨૩ કંપનીઓના શેર નુકસાન સાથે લાલ રંગમાં બંધ થયા હતા. સેન્સેક્સ કંપનીઓમાં,આઇટી કંપની ટેક મહિન્દ્રા સૌથી વધુ ૧.૮૭% ના વધારા સાથે બંધ થયા હતા. દરમિયાન, એશિયન પેઇન્ટ્સના શેર આજે સૌથી વધુ ૨.૧૫ ટકાના ઘટાડા સાથે બંધ થયા હતા.સન ફાર્મા અને રિલાયન્સ સહિત આ શેરોમાં વધારો જાવા મળ્યો હતો.
આજે લીલા નિશાનમાં બંધ થયેલા સેન્સેક્સના બાકીના શેરોમાં સન ફાર્મા (૧.૮૭ ટકા), રિલાયન્સ ઇન્ડસ્ટ્રીઝ (૧.૩૧ ટકા), ઇન્ફોસિસ (૧.૨૯ ટકા), બીઇએલ (૧.૦૧ ટકા), બજાજ ફિનસર્વ (૦.૮૯ ટકા), એચડીએફસી બેંક (૦.૭૯ ટકા), કોટક મહિન્દ્રા બેંક (૦.૬૩ ટકા), બજાજ ફાઇનાન્સ (૦.૬૦ ટકા), એસબીઆઈ (૦.૫૭ ટકા), ભારતી એરટેલ (૦.૪૧ ટકા), આઇસીઆઇસીઆઈ બેંક (૦.૩૬ ટકા), મારુતિ સુઝુકી (૦.૧૫ ટકા), એક્સીસ બેંક (૦.૧૨ ટકા), અલ્ટ્રાટેક સિમેન્ટ (૦.૧૧ ટકા), ટીસીએસ (૦.૦૪ ટકા) અને ટાટા સ્ટીલ (૦.૦૩ ટકા)નો સમાવેશ થાય છે.
બીજી તરફ, સોમવારે ટાઇટનના શેર ૧.૧૧ ટકા, પાવર ગ્રીડ ૦.૮૭ ટકા, ટ્રેન્ટ ૦.૭૮ ટકા, આઇટીસી ૦.૭૫ ટકા, ઇટરનલ ૦.૫૩ ટકા, હિન્દુસ્તાન યુનિલિવર ૦.૪૯ ટકા, અદાણી પોર્ટ્સ ૦.૩૫ ટકા, એલ એન્ડ ટી ૦.૨૮ ટકા, મહિન્દ્રા એન્ડ મહિન્દ્રા ૦.૧૮ ટકા, એચસીએલ ટેક ૦.૧૬ ટકા, ઇન્ડીગો ૦.૦૮ ટકા અને એનટીપીસી ૦.૦૭ ટકા ઘટ્યા હતા.
