સાવરકુંડલાની વી.ડી. ઘેલાણી મહિલા આર્ટસ કોલેજ ખાતે આજે સવારે ‘વિશ્વ યોગ દિવસ’ની ઉજવણી કરવામાં આવી હતી. આ ખાસ અવસરે પતંજલિ યોગ અને આયુર્વેદ ઉપચાર કેન્દ્રના નિષ્ણાત હિનાબેન કાણકીયા મુખ્ય અતિથિ વિશેષ તરીકે ઉપસ્થિત રહ્યા હતા. કાર્યક્રમની શરૂઆતમાં કોલેજના કાર્યકારી આચાર્ય ડી.એલ. ચાવડાએ મહેમાનોનું શબ્દોથી સ્વાગત અને અભિવાદન કર્યું હતું. ડા. રૂકસાનાબેન કુરેશીએ હિનાબેન કાણકીયાનું ખાદીની માળા પહેરાવીને સ્વાગત કર્યું હતું. સમગ્ર કાર્યક્રમનું સંચાલન ડા. પ્રતિમા એમ. શુક્લ દ્વારા કરવામાં આવ્યું હતું.
