ભારત અને ઝિમ્બાબ્વે વચ્ચેની ત્રણ મેચની ટી ૨૦ શ્રેણીની બીજી મેચ ૨૫ જુલાઈએ હરારે સ્ટેડિયમ ખાતે રમાશે. શ્રેયસ ઐયરની કેપ્ટનશીપ હેઠળ ટીમ ઈન્ડિયાએ શ્રેણીની પહેલી મેચમાં ઝિમ્બાબ્વે સામે ૭ વિકેટથી જીત મેળવી હતી. ઐયરની કેપ્ટનશીપ હેઠળ ટીમ ઈન્ડિયાએ પહેલી સાત મેચમાંથી છ મેચ હારી હતી, જ્યારે એક મેચ વરસાદને કારણે રદ થઈ હતી. ઐયર પાસે ઝિમ્બાબ્વે સામેની ટી ૨૦ શ્રેણીની બીજી મેચમાં ઇતિહાસ રચવાની તક છે. જા તે ટોસ જીતે છે, તો તે આંતરરાષ્ટ્રીય ક્રિકેટમાં સતત આઠ ટોસ જીતનાર પ્રથમ કેપ્ટન બનશે.
ભારતીય ટી ૨૦ આંતરરાષ્ટ્રીય કેપ્ટન શ્રેયસ ઐયરની કારકિર્દીની શરૂઆત અપેક્ષા મુજબ નહોતી, સતત છ મેચ હારવા બદલ તેને ઘણી ટીકાનો સામનો કરવો પડ્યો હતો. ઐયરે તેની કેપ્ટનશીપ હેઠળ આયર્લેન્ડ સામે તેની પ્રથમ બે મેચ રમી હતી, જ્યારે આગામી પાંચ ઇંગ્લેન્ડ સામે હતી, જેમાં તેણે બધી ટોસ જીતી હતી. ઝિમ્બાબ્વે સામેની પહેલી ટી ૨૦માં ટોસ જીત્યા પછી, તેણે આંતરરાષ્ટ્રીય ક્રિકેટમાં સતત સૌથી વધુ ટોસ જીતવાના ઇંગ્લેન્ડના ભૂતપૂર્વ કેપ્ટન વોલી હેમન્ડના રેકોર્ડની બરાબરી કરી. જા ઐયર બીજી ટી ૨૦માં ટોસ જીતે છે, તો તે વોલી હેમન્ડનો ૮૮ વર્ષ જૂનો રેકોર્ડ તોડી નાખશે અને સૌથી વધુ સતત ટોસ જીતનાર કેપ્ટન બનશે.
પોતાની કેપ્ટનશીપમાં સતત બે શ્રેણી ગુમાવવાને કારણે, શ્રેયસ ઐયરે ઘણા અનિચ્છનીય રેકોર્ડ બનાવ્યા છે, જેના કારણે ટીમ ઈન્ડિયા ટી ૨૦ ટીમ રેન્કિંગમાં પોતાનું નંબર-૧ સ્થાન ગુમાવી ચૂકી છે. હવે, ઐયર પાસે ઝિમ્બાબ્વે સામેની બીજી મેચ જીતીને કેપ્ટન તરીકેની પહેલી શ્રેણી જીતવાની તક છે, જે કેપ્ટન તરીકેની પોતાની પહેલી શ્રેણી જીત છે, અને તેની સાથે, ટીમ ઈન્ડિયા આઇસીસી ટી ૨૦ ટીમ રેન્કિંગમાં નંબર-૧ સ્થાન પાછું મેળવી શકે છે.
