દિલ્હી હાઈકોર્ટે ૧૦ ઓગસ્ટના રોજ જંતર-મંતર પર દલિત ખ્રિસ્તીઓ દ્વારા શાંતિપૂર્ણ પ્રદર્શનને મંજૂરી આપવી કે નહીં તે નિર્ણય દિલ્હી પોલીસ પર છોડી દીધો છે. કોર્ટે કહ્યું કે કાયદો અને વ્યવસ્થા જાળવવી એ પોલીસની જવાબદારી છે, અને તેથી, તે આ બાબતે નિર્ણય લેશે. સુનાવણી દરમિયાન, ન્યાયાધીશ અમિત મહાજને જણાવ્યું હતું કે તેમના અંગત મતે, શહેરના હૃદયમાં વિરોધ પ્રદર્શનો ન કરવા જાઈએ, કારણ કે તે જનતાને અસુવિધા પહોંચાડે છે. તેમણે કહ્યું, “શહેરને બંધક ન બનાવો; પોલીસને નિર્ણય લેવા દો.”અરજદાર, ઓલ ઈન્ડિયા દલિત ક્રિશ્ચિયન રાઈટ્સ પ્રોટેક્શન કમિટીનું પ્રતિનિધિત્વ કરતા વરિષ્ઠ વકીલ સંજય ઘોષે જણાવ્યું હતું કે સંગઠન ૧૦ ઓગસ્ટના રોજ જંતર મંતર પર સવારે ૧૦ થી બપોરે ૧ વાગ્યા સુધી ફક્ત ૭૫ લોકો સાથે શાંતિપૂર્ણ વિરોધ પ્રદર્શન કરવાનો ઇરાદો ધરાવે છે. તેમણે કોર્ટને ફક્ત દિલ્હી પોલીસને તેમની પરવાનગી અરજી પર નિર્ણય લેવા માટે વિનંતી કરી હતી.
કેન્દ્ર સરકારનું પ્રતિનિધિત્વ કરતા વધારાના સોલિસિટર જનરલ ચેતન શર્માએ જણાવ્યું હતું કે સંગઠને સ્થાનિક અધિકારીઓ પાસેથી જરૂરી ર્દ્ગંઝ્ર મેળવ્યું નથી. તેમણે એ પણ નિર્દેશ કર્યો હતો કે જંતર મંતરને વિરોધ સ્થળ તરીકે રાખવાનો મામલો પહેલાથી જ સુપ્રીમ કોર્ટમાં પેÂન્ડંગ છે. વધુમાં, સ્વતંત્રતા દિવસ નજીક આવી રહ્યો છે અને સુરક્ષા ચિંતાઓને કારણે દિલ્હીમાં બીએનએસએસની કલમ ૧૬૩ લાગુ છે.એએસજીએ જણાવ્યું હતું કે હાલમાં ૭૫ લોકો પર ધ્યાન કેન્દ્રિત કરવામાં આવ્યું છે, પરંતુ ભીડ કેટલી વધી શકે છે તે આગાહી કરવી મુશ્કેલ છે. તેમણે કોર્ટને માહિતી આપી હતી કે દિલ્હી પોલીસ અરજી પર નિર્ણય લેશે અને શનિવાર સુધીમાં તેનો નિર્ણય જણાવશે. ત્યારબાદ, હાઇકોર્ટે અરજીનો નિકાલ કર્યો, દિલ્હી પોલીસને અરજી પર નિર્ણય લેવાનો નિર્દેશ આપ્યો.
ગયા મહિને, જંતર-મંતર પર કોકરોચ જનતા પાર્ટીના વિરોધ દરમિયાન હિંસા ફાટી નીકળી હતી. ૨૦ જુલાઈના રોજ, પોલીસે પ્રદર્શનકારીઓ પર લાઠીચાર્જ કર્યો હતો, અને પોલીસ પર પથ્થરમારો પણ કરવામાં આવ્યો હતો. આ પછી, જંતર-મંતર પર મોટી સંખ્યામાં વિદ્યાર્થીઓ એકઠા થયા હતા, જેના કારણે સમગ્ર વિસ્તારમાં ભારે ભીડ જાવા મળી હતી. કનોટ પ્લેસમાં દુકાનો પણ વહેલી બંધ થવા લાગી હતી. સુરક્ષાના કારણોસર દિલ્હીના ઘણા મેટ્રો સ્ટેશનો પણ બંધ કરવામાં આવ્યા હતા, જેના કારણે લોકોને નોંધપાત્ર અસુવિધા થઈ હતી. તેથી, આ વખતે, પોલીસ પરવાનગી આપતા પહેલા તમામ પાસાઓ પર વિચાર કરી રહી છે.
